داخلا نمبر 4993
عنوان تورپيو مسڻ
شاخ شخصيتون
پڙهيو ويو 227 ڀيرا
داخلا جو حوالو انسائيڪلوپيڊيا سنڌيانا جلد ٻيو

تورپيو مسڻ

تورپيو مسڻ: تورپيو مسڻ ڳوٺ حاڪم ڏيپر تعلقي وارهه جو رهاڪو هو. ابتدائي تعليم پنهنجي ڳوٺ ۾ حاصل ڪيائين. هو عربي، فارسي ۽ سنڌي زبانن جو ڄاڻو هو. ننڍي هوندي کان ئي شعر گوئيءَ جو شوق رکندو هو ۽ شاعريءَ ۾ تور ۽ تورپيو تخلص ڪم آڻيندو هو. چيو وڃي ٿو ته هو ننڍي هوندي ٻڪريون چاريندو هو، هڪ ڏينهن ڪنهن وڻ هيٺان ستو پيو هو ته خواب ۾ ڪنهن بزرگ چيس ته اٿي بيت چئه انهيءَ ڏينهن کان هن شاعريءَ جي ابتدا ڪئي. تورپيي مسڻ ڪيترائي ڪلام چيا آهن. سندس ڪلام بيتن، ڪافين، ٽيهه اکرين، مولودن ۽ ڏوهيڙن تي مشتمل آهي. سندس وفات 1927ع ڌاري ٿي .


هن صفحي کي شيئر ڪريو