داخلا نمبر 5870
عنوان توفيق علي منگي
شاخ شخصيتون
پڙهيو ويو 190 ڀيرا
داخلا جو حوالو انسائيڪلوپيڊيا سنڌيانا جلد ٻيو
توفيق علي منگي

توفيق علي منگي

توفيق علي منگي

توفيق علي منگي: ليکڪ ۽ صحافي توفيق علي منگيءَ جو جنم 27 مارچ 1971ع تي محمد ايوب منگيءَ جي گهر، دادوءَ ۾ ٿيو. بي. ايس. سي تائين تعليم استاد بخاري گورنمينٽ ڪاليج دادوءَ مان حاصل ڪيائين. ننڍپڻ کان سماجي سرگرمين ۾ مشغول رهيو. شهيد مخدوم بلاول اسڪائوٽس ضلعي دادوءَ جو اسڪائوٽس ليڊر رهيو. بزم غالب ۽ سنڌ گريجوئيٽس ايسوسيئيشن، مخدوم بلاول (دادو) جو ميمبر به رهيو. 2007ع کان وٺي هڪ سماجي تنظيم ”ڪلچرل هيريٽيج ڊولپمينٽ آرگنائيزيشن“ جو جنرل سيڪريٽري آهي.
توفيق منگيءَ صحافت جي شروعات ٻارڙن جي ميگزين ”لاٽ“ ۾ ڪم ڪرڻ کان ڪئي، جنهن بعد روزاني بختور، حيدرآباد طرفان ملير ڪراچيءَ جو ضلعي رپورٽر بڻيو. ان بعد روزاني ’سوال‘ ۽ روزاني ’خلق‘ لاءِ ڪم ڪيائين. ملير پريس ڪلب جو جوائنٽ سيڪريٽري به رهيو. اردو اخبار ”امن“ ڪراچيءَ ۾ نيوز ۽ بزنس ڪنسلٽنٽ، روزاني ’پرچم‘ جو اسٽاف رپورٽر ۽ انگريزي اخبار ’ريجنل ٽائمز‘ ۾ به ڪنسلٽنٽ طور ذميواريون نڀائي رهيو آهي.
توفيق هن وقت ثقافتي، سياحتي ۽ ادبي مخزن ماهوار ”ڪلچرل هيريٽيج“ جو ايڊيٽر ۽ پبلشر آهي. اها مخزن مئي 2004ع کان باقاعدي شايع ٿي رهي آهي، جنهن ۾ سنڌيءَ سان گڏ اردو ۽ انگريزيءَ ۾ معلوماتي ۽ ثقافتي مواد شامل هوندو آهي .


هن صفحي کي شيئر ڪريو

داخلا ۾ استعمال ٿيل تاريخون

1971.03.27  عيسوي

توفيق علي منگيءَ جو جنم 27 مارچ 1971ع تي محمد ايوب منگيءَ جي گهر ، دادوءَ ۾ ٿيو .



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون