داخلا نمبر 4974
عنوان توڏي
شاخ ادب
پڙهيو ويو 323 ڀيرا
داخلا جو حوالو انسائيڪلوپيڊيا سنڌيانا جلد ٻيو

توڏي

توڏي: سر سهڻيءَ جو اصل نالو ”سُر توڏي“ آهي. پر ان ۾ سهڻيءَ جي سونهن ۽ صدق جي ذڪر سبب هي سُر ”سُر سهڻي“ جي نالي سان پڌرو آهي. هندستاني گوين موجب ”توڏي“ هڪ راڳڻيءَ جو نالو آهي، جا ديپڪ راڳ جي پنجن زالن مان هڪ آهي. راڳ مالا ۾ توڏيءَ جي تصوير هن ريت نقش ٿيل آهي. بدن تي سفيد ساڙهي اوڍيل ۽ ڪلهي ۾ نيرو ڪنجرو پيل اٿس. سندس نيڻ هميشه آسمان ڏانهن ڏسن پيا. هٿ ۾ ستار اٿس، جنهن تي پنهنجي مڌر ۽ مٺي آواز سان سُر آلاپي رهي آهي ۽ ننڍا هرڻ سندس راڳ تي موهت ٿي چوڌاري صفون ٻڌي رهيا آهن. سر سبز ميدانن سان گهڻي دل اٿس. هيءَ راڳڻي صبح جي پهرئين پهر ۾ ڳائبي آهي .


هن صفحي کي شيئر ڪريو