داخلا نمبر 5107
عنوان ثقفي موسيٰ بن يعقوب
شاخ عالم
پڙهيو ويو 251 ڀيرا
داخلا جو حوالو انسائيڪلوپيڊيا سنڌيانا جلد ٻيو

ثقفي موسيٰ بن يعقوب

ثقفي، موسيٰ بن يعقوب: موسيٰ بن يعقوب بن محمد شيبان بن عثماني ثقفي، محمد بن قاسم سان گڏ سنڌ ۾ آيو ۽ الور (اروڙ) جو قاضي مقرر ٿيو. پوءِ مستقل طور سنڌ ۾ رهائش اختيار ڪيائين. حديث جو وڏو عالم هو. صدين تائين سندس پونئير سنڌ ۾ علم جي روشني ڦهلائيندا رهيا. سن 613هه بمطابق 1216ع ۾ سندس خاندان مان اسماعيل بن علي بن محمد ثقفي موجود هو، جيڪو وڏو عالم ۽ فاضل هو. هو اروڙ جو قاضي هو. عربيءَ ۾ ’چچ نامو‘ان ئي خاندان جي ڪنهن عالم جو لکيل هو، جيڪو علي ڪوفيءَ فارسيءَ ۾ ترجمو ڪيو.


هن صفحي کي شيئر ڪريو