داخلا نمبر 5142
عنوان ثمينه وقار
شاخ شخصيتون
پڙهيو ويو 252 ڀيرا
داخلا جو حوالو انسائيڪلوپيڊيا سنڌيانا جلد ٻيو
ثمينه وقار

ثمينه وقار

ثمينه وقار

ثمينه وقار: ثمينه وقار 25 فيبروري 1960ع تي ڪراچيءَ ۾ جنم ورتو. فلاسافيءَ ۾ ايم. اي ڪيائين، . ان کان سواءِ ڪمپيوٽر ۽ تعليمي حوالي سان ٻيا به ڪيترائي ڪورس ڪيائين، جهڙوڪ: 1985ع کان 1986ع تائين سول سروسز اڪيڊمي لاهور، 1986ع کان 1987ع تائين انفرميشن ســروســـز اڪـيـڊمــي، 1987ع ۾ سيڪريٽريٽ ٽريننگ انسٽيٽيوٽ، 16 اپريل 1995ع کان 11 مئي 1995ع تائين ڪراچيءَ مان فائننشل مئنيجمينٽ ڪورس. هن مختلف وقتن تي جدا جدا سرڪاري عهدن تي ڪم ڪيو آهي. 1987ع کان 1988ع تائين پي. آءِ. ڊي ڪراچيءَ ۾ انفرميشن آفيسر طور ڪم ڪيائين. 1989ع کان 1992ع تائين پاڪستان نئشنل سينٽر حيدرآباد ۾ اسسٽنٽ ريزيڊنٽ ڊائريڪٽر طور، ۽ 1992ع تائين پي. آءِ. ڊي حيدرآباد ۾ انفرميشن آفيسر جي عهدي تي ڪم ڪيائين. نومبر 1998ع کان مارچ 1999ع تائين پي. آءِ. ڊي ڪراچيءَ ۾ ڊپٽي ڊائريڪٽر جي عهدي تي رهي. پوءِ پريس انفرميشن ڊپارٽمينٽ حيدرآباد ۾ 15 مارچ 1999ع کان ڊپٽي ڊائريڪٽر جي عهدي جا فرائض سرانجام ڏنائين. ثمينه وقار ماهوار نئين زندگيءَ کي نئين انداز ۾ شايع ڪرڻ سان گڏوگڏ ”نئين زندگي گولڊن جوبلي سيمينار“ ۽ ”سنڌي مشاعري“ جهڙا پروگرام منعقد ڪرائي پاڻ مڃايو. هن وقت اطلاعات کاتي، اسلام آباد ۾ ڊائريڪٽر طور فرض نڀائي رهي آهي.


هن صفحي کي شيئر ڪريو