داخلا نمبر 7096
عنوان جابر بن سنان حراني
شاخ شخصيتون
پڙهيو ويو 280 ڀيرا
داخلا جو حوالو انسائيڪلوپيڊيا سنڌيانا جلد ٽيون

جابر بن سنان حراني

جابر بن سنان حراني: جابر بن سنان، فلڪيات جو ماهر ۽ پنهنجي وقت جو وڏو سائنسدان، صناع ۽ فلڪياتي اوزارن جو ڪاريگر هو. حران شهر جو رهاڪو هو. پاڻ 903ع ۾ پيدا ٿيو. پنهنجي وطن ۾ تعليم مڪمل ڪرڻ کان پوءِ بغداد هليو ويو، جتي هن پنهنجي پوري زندگي گذاري ڇڏي، بغداد ۾ هن ۽ سندس خاندان ڪافي علمي ڪم ڪري شهرت ماڻي.

جابر بن سنان کي فلڪياتي مشاهدن سان گهڻي دلچسپي هئي. هن فلڪياتي مشاهدي سان لاڳاپيل اوزار ايجاد ڪيا. هن هڪ اهڙو اوزار پڻ تيار ڪيو، جنهن جي مدد سان فلڪياتي مشاهدي سان گڏوگڏ مفاصلو پڻ معلوم ڪري سگهبو هو. اهو مشهور اوزار ”Spherical Astrolobe“ جي نالي سان سڃاتو ويندو آهي. انهيءَ اوزار جي مدد سان هن مختلف سيارن، سج ۽ چنڊ جو زمين کان مفاصلو معلوم ڪيو. هي پهريون سائنسدان هو جنهن ان وقت جي حساب سان اهو ڪارائتو اوزار ايجاد ڪري سائنسدانن جي تحقيقي ڪم کي وڌيڪ آسان بڻائي ڇڏيو. انهيءَ اوزار کي آڏو رکي مختلف سائنسدانن پنهنجي تحقيق ۾ ڪافي جدت پيدا ڪئي.





هن صفحي کي شيئر ڪريو

داخلا ۾ استعمال ٿيل تاريخون

00.00.0903  عيسوي

جابر بن سنان حراني: جابر بن سنان ، فلڪيات جو ماهر ۽ پنهنجي وقت جو وڏو سائنسدان ، صناع ۽ فلڪياتي اوزارن جو ڪاريگر هو . حران شهر جو رهاڪو هو . پاڻ 903ع ۾ پيدا ٿيو



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون