داخلا نمبر 7246
عنوان جانان بيگم
شاخ شخصيتون
پڙهيو ويو 103 ڀيرا
داخلا جو حوالو انسائيڪلوپيڊيا سنڌيانا جلد ٽيون

جانان بيگم

جانان بيگم: جانان بيگم عبدالرحيم خانخان خانان‘ جي زال هئي، جيڪو بهرام خان جو پٽ هو. هوءَ علم ۽ فضل ۾ ڪمال کي پهتل هئي. قرآن شريف جو هڪ تفسير به لکيو هئائين. جهانگير بادشاھ، سندس جمال توڙي ڪمال جي تعريف ٻڌي، ساڻس شادي ڪرڻ جي خواهش ظاهر ڪئي، پر بيگم، پنهنجا ڏند ڀڃي ۽ پنهنجا سڀ وار ڪتري، ڳنڍڙي ٻڌي، جهانگير ڏانهن ڏياري موڪليا. بادشاھه سندس مفهوم سمجھي، کيس پاڪدامن ڄاڻي تحسين پيش ڪئي. جان بيگم 1070ھه/1659ع ۾ وفات ڪئي. هيءُ شعر جانان بيگم جو آهي: عاشق ز خلقِ تو پنهان چسان ڪند پيداست از دو چشمِ ترش خون گريستين! [عاشق پنهنجو عشق، خلق کان ڪهڙيءَ طرح لڪائي ٿو سگھي. سندس ٻنهي آلين اکين مان ظاهر آهي ته هو رت ٿو روئي!]


لفظ جانان بيگم هيٺين داخلائن ۾ پڻ استعمال ٿيل آهي
جانان بيگم
خان خانان مرزا عبدالرحيم
هن صفحي کي شيئر ڪريو