داخلا نمبر 7362
عنوان جتوئي عابد حسين
شاخ شخصيتون
پڙهيو ويو 85 ڀيرا
داخلا جو حوالو انسائيڪلوپيڊيا سنڌيانا جلد ٽيون
جتوئي عابد حسين

جتوئي عابد حسين

جتوئي عابد حسين

جتوئي عابد حسين: عابد حسين ولد اعتبار خان جتوئيءَ جو جنم خانپور ضلعي شڪارپور ۾ ٿيو. هن اسلامڪ اسٽڊيز ۾ ايم. اي ڪئي آهي. 1997ع ڌاري ضلعي ڪائونسل شڪارپور جو ميمبر ۽ تعلقي چيئرمئن به رهيو. نيشنل پيپلز پارٽيءَ جي ٽڪيٽ تان 2008ع جي چونڊن ۾ پي. ايس 12 (شڪارپور) تڪ تان ڪامياب ٿيو. ان کان اڳ 2002ع وارين چونڊن ۾ به ايم. پي. اي چونڊيو. پيشي جي لحاظ کان زميندار آهي، هن وقت چوپائي مال واري کاتي جو صوبائي وزير ۽ سنڌ اسيمبليءَ ۾ سنڌ اسيمبليءَ ۾ آبڪاري، ايريگيشن، ٽرانسپورٽ ۽ پبلڪ هيلٿ انجنيئرنگ بابت قائم ڪميٽيءَ جو ميمبر آهي. سندس ڀاءُ رئيس ابراهيم جتوئي به علائقي جو نامور سياستدان ۽ زميندار آهي (ڏسو: جتوئي، محمد ابراهيم).





هن صفحي کي شيئر ڪريو