داخلا نمبر 7545
عنوان جسپتراءِ مل
شاخ شخصيت
پڙهيو ويو 118 ڀيرا
داخلا جو حوالو انسائيڪلوپيڊيا سنڌيانا جلد ٽيون

جسپتراءِ مل

جسپتراءِ مل: جسپتراءِ مل،د يوان گدو مل جو ڀاءُ هو. هن جا وڏا اصل سيتپور جا رهاڪو هئا. سندن پيءُ اڏيو مل، ميان آدم شاهه ڪلهوڙي وٽ ملازم هو. حيدرآباد ۾ گدواڻي آڪهه، گدو مل جي پٺيان سڏبي هئي ۽ هن وقت به حيدرآباد ۾ ٽنڊو گدو مل، گدواڻي گهٽي ۽ گدو بندر، گدو مل جا يادگار آهن. هن خاندان جي ڪلهوڙن وٽ وڏي عزت هئي، پر جيئن ئي هالاڻيءَ جي جنگ کان پوءِ ٽالپرن جي حڪومت شروع ٿي ته ديوان گدو مل ۽ قيصر نظاماڻيءَ تيمور شاهه وٽ وڃي مير فتح علي خان ٽالپر جون گلائون ڪيون ۽ جڏهن اها خبر مير صاحب کي پئي ته قيصر نظاماڻي ته انهيءَ ڊپ ۾ مري ويو، باقي گدو مل کي تلوار سان قتل ڪيو ويو. انهيءَ جي ابتڙ جسپتراءِ مل جي ٽالپر درٻار ۾ وڏي عزت هئي ۽ مختلف ملڪن ۾ ٽالپرن جي سفير طور موڪليو ويندو هو .


هن صفحي کي شيئر ڪريو