داخلا نمبر 7592
عنوان جعفر خواجو
شاخ شخصيتون
پڙهيو ويو 97 ڀيرا
داخلا جو حوالو انسائيڪلوپيڊيا سنڌيانا جلد ٽيون
جعفر خواجو

جعفر خواجو

جعفر خواجو

جعفر خواجو: مشهور سماجي ۽ سياسي ڪارڪن جعفر ولد رحمت الله خواجو، 1867ع ڌاري جهرڪ ۾ جنم ورتو. هن جهرڪ جي پرائمري اسڪول مـان چئن درجن تائيـن تـعليـم ورتي. سورهن سالن جي ڄمار ۾ پير ميان صـاحـبـڏنـي شـاهه، شـاهه عـبدالڪريـم بلڙيءَ واري جي درگاهه جي سجاده نشين وٽ وڃي زمين جي سار سنڀال لاءِ ملازم ٿيو، جتي پير صاحب سندس محنت ۽ قابليت ڏسي کيس پنهنجي زمينن جو ’عام مختيار‘ ۽ نگهبان مقرر ڪري ڇڏيو. ڳچ عرصي کانپوءِ جعفر خواجي ميرپوربٺوري ۾ زمين خريد ڪري اتي رهائش اختيار ڪئي. هز هائينس سر آغا خان 1898 ع ڌاري حيدرآباد آيو ته جعفر خواجي اسلامي حڪمن ۽ شرعي ڳالهين بابت کانئس ڪي سوال ڪيا، جنهن تي آغا خان ۽ سندس فرقي جا ماڻهو هن جا مخالف ٿي پيا. جعفر خواجي مذهبي حوالي سان ڪيترا ڪتاب: قرآن شريف جو سنڌي ترجمو، خلاصته الطاعت، سوانح عمري عمر بن عبدالعزيز، چمنستان مناقب، نور ايمان، پاره سورت بني اسرائيل جو لب لباب ڇپرايا. خواجن جون انجمنون قائم ڪرايون، ان تحريڪ جو صدر به رهيو. هن خواجه انجمنن ذريعي خواجن جي مذهبي، سماجي ۽ اقتصادي ترقيءَ لاءِ ڪوششون ڪيون ۽ ڪامورن جي ظلم، رشوت خوري ۽ لاپرواهيءَ خلاف جدوجهد ڪئي. هو 1915ع کان 1947ع تائين ميرپور بٺوري جي سينيٽري ڪاميٽيءَ جو ميمبر رهيو ۽ شهر ۾ تمام گهڻا ترقياتي ڪم ڪرايائين. 1922ع ۽ 1933ع وارين ضلعي لوڪل بورڊ جي چونڊن ۾ ٻئي دفعا ضلعي لوڪل بورڊ جو ميمبر چونڊيو ويو. 1925ع ۾ سائين جي. ايم. سيد ’ڪراچي زميندار ايسوسيئيشن‘ قائم ڪرائي ته ان جو جنرل سيڪريٽري ٿي ڪم ڪيائين. جعفر خواجه قابل، باهمت، ايماندار، خدمت خلق جو جذبو رکندڙ انقلابي طبيعت وارو انسان هو.
هن 5 جنوري 1959ع تي ميرپور بٺوري ۾ وفات ڪئي .


هن صفحي کي شيئر ڪريو

داخلا ۾ استعمال ٿيل تاريخون

1867.00.00  عيسوي

جعفر ولد رحمت الله خواجو ، 1867ع ڌاري جهرڪ ۾ جنم ورتو .


1959.01.05  عيسوي

جعفر خواجي 5 جنوري 1959ع تي ميرپور بٺوري ۾ وفات ڪئي .



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون