داخلا نمبر 7064
عنوان جماعت اسلامي
شاخ سياسي پارٽيون
پڙهيو ويو 194 ڀيرا
داخلا جو حوالو انسائيڪلوپيڊيا سنڌيانا جلد ٽيون
جماعت اسلامي

جماعت اسلامي

جماعت اسلامي

جماعت اسلامي: هيءَ مذهبي ۽ سياسي پارٽي آهي . جماعت اسلامي جو بنياد 26 آگسٽ 1941ع تي اسلاميه پارڪ لاهور ۾ جماعت جي باني سيد ابو الاعليٰ مودوديءَ جي رهائشگاهه تي عمل ۾ آيو . جماعت اسلامي جو پاڪستان جي قيام جي لاءِ جدا رويو هو . هڪ پاسي هيءَ جماعت پنهنجي لٽريچر جي ذريعي ٻه قومي نظرئي جو پرچار ڪري رهي هئي ۽ ٻئي پاسي پاڪستان جي لاءِ هلندڙ تحريڪ کان الڳ رهي . 1946ع جي چونڊن ۾ ، جنهن جي ڪاميابي تي پاڪستان جي وجود ۾ اچڻ جو دارومدار هو ، جماعت اسلاميءَ حصو نه ورتو ۽ مسلم ليگ يا پاڪستان جي حق ۾ راءِ ڏيڻ کان ڪناره ڪشي ڪئي ۽ جڏهن پاڪستان جو قيام ٿيو ته هن جماعت اهو موقف اختيار ڪيو ته جيئن ته مسلم ليگ 1946ع جي چونڊن ۾ ” پاڪستان جو مطلب ڇا: لا اِلــٰھَ اِلالله “ جي نعري تي ڪاميابي ماڻي آهي ، ان ڪري هاڻي پاڪستان کي هڪ مڪمل اسلامي رياست بڻـائڻ نه صرف حڪمرانن جي ، پر هن جماعت جي به ذميواري آهي . هيءَ جماعت مغربيت ، سرمائيداري ، اشتراڪيت ، سيڪيولرزم وغيره جي مخالف رهي آهي .


جماعت اسلامي چونڊن ۾ ڪاميابيءَ جي حوالي سان پاڪستان جي ڪا وڏي پارٽي نه آهي ، پر جنرل ( ر ) پرويز مشرف جي صدر ٿيڻ کان پوءِ جيڪو بلدياتي نظام لاڳو ٿيو ، ان ۾ ڪراچيءَ جو سِٽي ناظم ، جماعت اسلاميءَ جو مولانا نعمت الله چونڊيل هو . ماضي قريب ۾ هن جماعت جو مرڪزي امير ملڪي سماج تي اهم سياسي اڳواڻ جي حيثيت رکندڙ قاضي حسين هو ۽ هينئر هن جماعت جو امير سيد منور حسين آهي .


مشرف دؤر ۾ متحده مجلس عمل ( ايم . ايم . اي ) ٺهڻ کان پوءِ ٻين ديني پارٽين سان گڏ جماعت اسلامي به وڌيڪ منظر تي رهي .


جماعت اسلاميءَ ۾ عورتن جي شاخ به قائم ڪيل آهي . جماعت طرفان اشاعت جو ڪم به جاري آهي ، ان سلسلي ۾ اسلام ۽ اخلاقيات تي ڪتابن ۽ ڪئسيٽن جون نمائشون به منعقد ڪيون وڃن ٿيون .






هن صفحي کي شيئر ڪريو

داخلا ۾ استعمال ٿيل تاريخون

1941.08.26  عيسوي

جماعت اسلامي: هيءَ مذهبي ۽ سياسي پارٽي آهي . جماعت اسلامي جو بنياد 26 آگسٽ 1941ع تي اسلاميه پارڪ لاهور ۾ جماعت جي باني سيد ابو الاعليٰ مودوديءَ جي رهائشگاهه تي عمل ۾ آيو



سياسي پارٽيون - ڀاڱي جون ٻِيون داخلائون

ايم ڪيو ايم حقيقي
آل انڊيا ڪانگريس
آل انڊيا مسلم ليگ
انڊين نيشنل ڪانگريس
آل پارٽيز حريت ڪانفرنس
پاپولر يونٽي
جماعت اسلامي
پاڪستان تحريڪِ انصاف
پاڪستان پيپلز پارٽي
پاڪستان پيپلز پارٽي شهيد ڀٽو
سياسي پارٽيون ڀاڱي جا وڌيڪ مضمون