داخلا ؛ 7076
پڙهيو ويو ؛ 289
پسند ڪيو ويو ؛ 0
تاريخ ؛ 2013-07-17


تصويرون


jamal-din-momin.gif
جمال الدين مومن
جمال الدين مومن



ٽائيم لائين

1932.04.08-A.D
جمال الدين مؤمن : نامور استاد ۽ اديب جمال الدين ’مومن‘، 8 اپريل 1932ع تي هوت خان خاصخيليءَ جي گهر ۾، ڳوٺ نوان جتوئي، تعلقي موري ۾ جنم ورتو.




sindhianaسنڌيانا--جمال الدين مؤمن

ٽائيٽل ؛ جمال الدين مؤمن


شاخ : شخصيت

جمال الدين مؤمن: نامور -استاد- ۽ اديب جمال الدين ’مومن‘، 8 -اپريل- 1932ع تي هوت خان خاصخيليءَ جي گهر ۾، ڳوٺ نوان جتوئي، تعلقي موري ۾ -جنم- ورتو. پرائمري -تعليم- نوان جتوئيءَ مان حاصل ڪيائين. فائنل 1947ع ۾ -استاد- مشتاق احمد جي شيخ وٽان پڙهيو. سندس پهرين مقرري پرائمري اسڪول سيد خير شاهه، ضلعي نوشهري فيروز ۾ 13 فيبروري 1948ع تي پرائمري -استاد- طور ٿي. ايس. وي جي ڪورس (سينيئر ورنيڪيولر) جي ٽريننگ ڪاليج فارمين حيدرآباد مان 1951-50ع ۾ ڪيائين ۽ واپسيءَ تي پرائمري اسڪول سيد خير شاهه ۾ هيڊ ماستر مقرر ٿيو. 1954ع ۾ سنڌ يونيورسٽيءَ مان اديب سنڌيءَ جو امتحان ڏنائين ۽ سڄيءَ سنڌ ۾ ٻيو نمبر آيو. 1958ع ۾ سنڌ يونيورسٽيءَ مان مئٽرڪ ۽ 1959ع ۾ انٽر ڪيائين. 1961ع ۾ اورينٽل گروپ ۾ بي. اي ڪيائين. 1961ع ۾ ئي اردوءَ ۾ فائنل نوابشاهه سينٽر مان، فرسٽ ڪلاس ۾ پاس ڪيائين. -استاد- جمال الدين، 10 -آگسٽ- 1961ع ۾ مڊل اسڪول پڪا چانگ جو هيڊ ماستر مقرر ٿيو. -ان- کان پوءِ هاءِ اسڪول ڀنگو بهڻ، ڪنڊياري، نوشهري فيروز ۽ نوابشاهه ۾ پڙهيائين. 1965ع ۾ سنڌيءَ ۾ ايم. اي سيڪنڊ ڪلاس ڪيائين. 1964ع ۾ ٽريننگ ڪاليج مٺياڻيءَ ۾ ٽي سال ۽ ٽريننگ اسڪول سڪرنڊ ۾ هڪ سال استادن کي پڙهايائين. 1968ع ۾ مڊل اسڪول پيرونمل، ضلعي سانگهڙ ۾ هيڊماستر مقرر ٿيو. چئن مهينن جي عرصي کان پوءِ حڪومت جي خرچ تي بي. ايڊ جي ٽريننگ لاءِ سنڌ يونيورسٽي حيدرآباد پهتو. بي. ايڊ پرائيويٽ ڪرڻ ۽ جواب مادري زبان سنڌيءَ ۾ ڏيارڻ جو سهرو سندس سر تي هو. 1969ع ۾ بي. ايڊ ڪيائين. بي. ايڊ کان پوءِ مڊل اسڪول ڏيپارجا ۾ هيڊماستر مقرر ٿيو، جنهن کان پوءِ سپروائيزر پرائمري -تعليم- سڪرنڊ ۽ مورو رهيو.
استاد -جمال الدين مؤمن- 1969ع ڌاري نوان جتوئيءَ ۾ مصطفيٰ اورينٽل ڪاليج جو بنياد وڌو، جيڪو 1973ع کان ڊگري ڪاليج جي حيثيت ۾ ڪم ڪري رهيو آهي. 50 سالن جي عمر ۾ مُدي کان اڳ پهرين مارچ 1982ع تي پينشن تي لٿو ته جيئن ڪاليج کي وڌيڪ وقت ڏئي سگهي.
-استاد- جمال الدين ’بزم نياز‘، ’مجلس احباب‘ ۽ ’بزم صابر‘ جو پايو وجهندڙ ۽ ميمبر، ايجيوڪيشن سوسائٽي نوان جتوئيءَ جو چيئرمئن، قومي ۽ سماجي ڪارڪن، خاصخيلي جماعت نوابشاهه جو صدر، ماهنامه رسالي ’اديون‘ ڪراچيءَ جو اسسٽنٽ -ايڊيٽر- ۽ مؤمن پبليڪيشن جو چيئرمئن رهيو آهي. مومن پبليڪيشن طرفان ويهارو ڪتاب شايع ڪرايائين. ڪيترن ڪتابن جو مؤلف، مترجم ۽ مصنف رهيو آهي. -جن- ۾: ’سچل جا سنيها‘، ’پيرل فقير جي شاعري‘، ’ساهتيءَ جا سرواڻ‘، ’سخن صابر‘ (امام بخش ’صابر‘ جي شاعري- ترتيب) وغيره اچي وڃن ٿا.
حڪومت سنڌ تعليمي خدمتن جو قدر ڪندي سندس ڳوٺ جي پرائمري اسڪول جو نالو ’جمال الدين مؤمن خاصخيلي‘ رکي، پڪي بلڊنگ جوڙائي آهي، جنهن جي پاڻ ۽ سندس -ڀاءُ- -استاد- محمد حسن ’فدا‘ خاصخيلي سرپرستي ڪندا هئا. وفات کان پوءِ مؤمن صاحب جو لائق فرزند حبيب خاصخيلي هن اسڪول جي نگراني ڪري رهيو آهي.
جمال الدين مؤمن جي ڪاليج مان ڪيترن شاگردن اديب سنڌي، اديب، عالم ۽ اديب فاضل ۾ نمايان پوزيشنون حاصل ڪيون آهن، -جن- ۾: -تاج- جويو، -بشير احمد- هيسباڻي، -استاد- نذير احمد کوکر ۽ ٻيا شامل آهن.





رايا ؛
حوالو ؛

ڇا اوهان وٽ -جمال الدين مؤمن- سان لاڳاپيل ڪو مواد تصوير يا نقشو وغيره آهي، ته اوهان اهو مواد انسائيڪلوپيڊيا سنڌيانا سان شيئر ڪريو، اسان هن داخلا کي اوهان جي مواد سان وڌيڪ بهتر بڻائينداسين.
مواد موڪلڻ لاءِ ڪلڪ ڪريو
ڇا هي مضمون اوهان کي پسند آيو ته هن بٽڻ تي ڪلڪ ڪريو
//
مکيه صفحو
داخلا صفحو
فهرست موضوع
فهرست الف ب
تاريخ جا حوالا
تصويرون
جامع سنڌي لغت
سنڌي انگريزي لغت
بلاگ ۽ بحث
مدد ڪريو
ڊاڪومينٽيشن
اسان بابت
رابطو ڪريو

جمال الدين مؤمن - مان نڪتل ٻيون شاخون-


شخصيت - موضوع جون ٻيون داخلائون-
بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
بابو پالاري
بابو غلام حسين
باتو خان
بادام ناتوان
بادشاهه
بادل2
بادل جمالي
بادو درويش
بارٽل فريئر
باز محمد جوڻيجو ڊاڪٽر
باگو فقير
باقر سنائي
آتمارام لعلواڻي
بالاچ گرگيج
بالميڪي/والميڪي
بانو قدسيه
بانو محبوب
ٻاٻيهو
ٻاٻاڻي ڪيرت
بجار خان ڊومبڪي
آچار ڪاڪو
بچارام ليلارام ليڏواڻي
بچايو رند
بچل شاهه (بزرگ)
بچل شاهه جيلاني
بچل شاهه
بخاري پير
بخاري جمال الدين
سيد حاڪم علي شاهه بخاري
سيد محسن شاهه بخاري
ڪامريڊ عزيز سلام بخاري
مستور فاطمه بخاري
بختاور ڀٽو زرداري
بختاور پليجو
بختاور شهيد
بختيار چنا
بخش علي جتوئي
بخشل باغي
بخشڻ مهراڻوي
بدر الدين اڄڻ ڊاڪٽر
بدر سميجو
بدر سومرو
ٻاگهل ٻائي
ٻاگهي
ٻانڀڻ
ٻانڀڻ ڊاڪٽر رفيق احمد
ٻانهون خان شيخ
ٻائي ٻڍي
ٻڌ
ٻڍل بيگ ميرزا
ٻڍل شاهه بخاري
ٻڍل شاهه ولد نواب شاهه
ٻرڙو محبت علي ڊاڪٽر
ٻگهيو محمد قاسم ڊاڪٽر
ٻلديو گاجرا
ٻلديو گرمکسنگهه گهنشاڻي
ٻلديو مٽلاڻي
ارنيسٽ ٽرمپ
ٻنوي سيف
ٻوڌراج ٻوڌ
استاد نظاماڻي
اسحاق جمالي ڊاڪٽر
اسحاق سنڌي قلندر پاٽائي
اسدالله ڀٽو
اسدالله ڀٽو پروفيسر
اسدالله شاهه فدا ٽکڙائي حڪيم
اسدالله کهڙوي
اسدالله لاڙڪ ڊاڪٽر
اسد جمال پلي ڊاڪٽر
اسرار شام
اسراڻ غلام محمد، خانبهادر
اسڪائوٽ تحريڪ جو باني
اسڪندر مرزا
اسماعيل بن حضرت امام جعفر الصادق
اسماعيل چانڊيو
اسماعيل شاهه بخاري
اسماعيل فقير ڏيرو
اسماعيل فقير سمون
اشتياق انصاري
اشتياق حسين قريشي ڊاڪٽر
اشرف. ڊبليو. تاباني
اشرف سمون ڊاڪٽر
اشرف شاهه ڪامارائي
اشعري
اصحاب ڪهف
اظهر گيلاني
اعجاز علي بيگ مرزا
اعجاز علي خواجه
اعجاز قريشي پروفيسر
اعظم خان


.....شخصيت موضوع جون وڌيڪ داخلائون

انسائيڪلوپيڊيا سنڌيانا، پراجيڪٽ آف سنڌي لئنگئيج اٿارٽي، حق ۽ واسطا محفوظ آهن