داخلا نمبر 7979
عنوان جميل اختر
شاخ شخصيتون
پڙهيو ويو 103 ڀيرا
داخلا جو حوالو انسائيڪلوپيڊيا سنڌيانا جلد ٽيون

جميل اختر

جميل اختر: جميل اختر ولد محمد نواب حسن 10 آگسٽ 1958ع تي گرهول شريف ضلعي سيتا مڙهي (بهار) ۾ پيدا ٿيو. ابتدائي تعليم ڪمهروليءَ مان حاصل ڪيائين. گريجوئيشن جي تعليم متهلا يونيورسٽيءَ مان حاصل ڪيائين. ايم. اي، ايم. فل ۽ پي. ايڇ. ڊي جون سندون ’جواهر لال‘ يونيورسٽيءَ مان حاصل ڪيائين. تعليم کان فارغ ٿي N.C.E.R.T جو پروجيڪٽ انچارج ٿيو. 1995ع ۾ جامعه مليه اسلاميه، دهليءَ ۾ ريسرچ اسڪالر مقرر ٿيو. ڊاڪٽر جميل اختر ڪيترائي ڪتاب لکيا، جن ۾: قرة العين حيدر سان ٿيل گفتگو تي لکيل ڪتاب ’انداز بيان اردو‘ ، ’اقبال اور اشتراڪيت‘، ’فرهنگ اصطلاحات ابلاغ‘ وغيره شامل آهن. ان کانسواءِ ٽي. وي، ڊرامن، فلم ۽ اخبارن بابت سندس ڪيتريون ئي تحريرون شايع ٿيل آهن. ڊاڪٽر جميل نيشنل اوپن اسڪول جي تعاون سان ٻه ڪتاباردو مختصر نويسي‘ ۽ ’اردو ٽائيپ رائيٽنگ‘ مرتب ڪيا آهن، جيڪي اردو ادب ۾ مفيد سمجهيا وڃن ٿا .


هن صفحي کي شيئر ڪريو

داخلا ۾ استعمال ٿيل تاريخون

1958.08.10  عيسوي

جميل اختر ولد محمد نواب حسن 10 آگسٽ 1958ع تي گرهول شريف ضلعي سيتا مڙهي ( بهار ) ۾ پيدا ٿيو .



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون