داخلا نمبر 8080
عنوان جوکيوعبدالمجيد بکري
شاخ شخصيتون
پڙهيو ويو 108 ڀيرا
داخلا جو حوالو انسائيڪلوپيڊيا سنڌيانا جلد ٽيون

جوکيوعبدالمجيد بکري

جوکيو، عبدالمجيد بکري: سنڌ جو تاريخدان ۽ شاعر عبدالمجيد جوکيو بکر شهر جو رهاڪو هو، جنهنڪري بکري سڏيو وڃي ٿو. ڊاڪٽر نبي بخش خان بلوچتاريخ بلوچي“ جي مقدمي ۾ لکي ٿو ته ”عبدالمجيد جوکيو 1140هه/1727ع ۾ ڄائو هوندو. هيءُ هڪ سچو مصنف هو ڇو جو جيڪو حاڪم تعريف جي لائق آهي، تنهن جي تعريف ڪري ٿو ۽ جيڪو نندڻ جهڙو آهي، تنهن کي نندي ٿو. هيءُ نه فقط هڪ اعليٰ علم وارو شخص هو، پر هڪ استاد پڻ هو. سندس ننڍپڻ واري وقت ۾ بکر هڪ علمي شهر هو جتي عبدالمجيد جوکيي کي ان وقت جي معياري تعليم ملي ۽ خاص طرح فارسي ٻولي، ادب ۽ شعر ۾ خاص دسترس حاصل ٿيس. ٽالپر حاڪمن جي قلمي بياضن ۾ عبدالمجيد جوکيي جا ڪجهه فارسي غزل ۽ هڪ بهترين تصنيفتاريخ بلوچي“ ميسر ٿئي ٿي. ٽالپر حاڪمن جي دور جي قلمي بياضن ۾ عبدالمجيد جوکيي جي ڄمڻ جي تاريخ 3 صفر المظفر 1146هه (5 جولائي 1733ع، ۽ وفات جي تاريخ 5 رجب المرجب 1220هه/ 29 سيپٽمبر 1805ع) ڄاڻايل آهي. عبدالمجيد جوکيي جي هيءَ تصنيف ڪلهوڙن جي حڪومت جي زوال ۽ ٽالپرن جي حڪومت قائم ٿيڻ جي تاريخ آهي. مصنف عبدالمجيد جوکيو ان وقت جي ٽن مؤرخن مان هڪ هو، پهريون مير علي شير قانع ٺٽوي، ٻيو سيد عظيم الدين ٺٽوي ۽ ٽيون عبدالمجيد جوکيو. عبدالمجيد، علي شير قانع ٺٽوي ۽ عظيم ٺٽويءَ وانگر شاعر، اديب ۽ مؤرخ هو، کيس قطعه تاريخ چوڻ ۾ پڻ وڏي مهارت حاصل هئي. سندس فارسي هجوگوئيءَ ۾ چيل شعر فصاحت ۽ بلاغت سان ڀريل آهن .


هن صفحي کي شيئر ڪريو

داخلا ۾ استعمال ٿيل تاريخون

1727.00.00  عيسوي

عبدالمجيد جوکيو 1140هه/1727ع ۾ ڄائو هوندو .



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون