داخلا نمبر 5234
عنوان ٺٽوي امين الدين خان حسين
شاخ شخصيتون
پڙهيو ويو 263 ڀيرا
داخلا جو حوالو انسائيڪلوپيڊيا سنڌيانا جلد ٻيو

ٺٽوي امين الدين خان حسين

ٺٽوي، امين الدين خان حسين: مير امين الدين ولد مير ابوالمڪارم مشهود ولد مير ابوالبقا امير خان، علم ۽ اميريءَ جي هڪ وڏي خاندان جو فرد هو. ڪلهوڙن جي زماني ۾ حڪومت جي اختيارن سان گڏ علمي شغل هميشه جاري رکندو آيو. تحفة الڪرام ۾ هن بابت لکيل آهي ته:”وڏي مرتبي وارو امير هو، سندس گھڻو وقت ڪتابن جي مطالعي ۽ عالمن جي صحبت ۾ گذريو.“ شروعات ۾ ميان يار محمد ڪلهوڙي جي زماني ۾ کيس خانپور (شڪارپور)۾ جاگير هئي ۽ اهو سارو علائقو سندس سنڀال هيٺ آيل هو، ان کان پوءِ هو دهليءَ جي مغليه سلطنت پاران 1114ھ/1702ع ۾ ٺٽي جو گورنر مقرر ٿيو ۽ ڪم کي نهايت سهڻي انتظام سان هلايائين.“
هن جي تصنيفن ۾ هيٺيان ڪتاب شامل آهن:
1. رشحات الفنون: هن ڪتاب ۾ 14 علمن جو اختصار ڏنل آهي.
2. معلومات الافاق: هن ڪتاب ۾ دنيا جي عجائبات ۽ نادر واقعات جا بيان آهن.


هن صفحي کي شيئر ڪريو