داخلا نمبر 651
عنوان ٻاٻري
شاخ ڳوٺ
پڙهيو ويو 536 ڀيرا
داخلا جو حوالو انسائيڪلوپيڊيا سنڌيانا جلد پهريون

ٻاٻري

ٻاٻري/ ٻٻري: ھيءُ ڳوٺ موجوده ضلعي نوشھري فيروز ۽ تعلقي موري ۾، گچيريءَ جي ڀرسان ھو. اصل ۾ ھيءُ جوڻيجن جو ڳوٺ ھو، انھيءَ علائقي ۾ ٻيا سميجن، ڪوريجن، لاکيرن، ڳاھن ۽ بھڻن جا ڳوٺ ھئا. 1007هه/ 1598ع ۾ سيوھڻ جي گورنر بختيار بيگ، پنھورن جو لاباري پيل فصل، جير نالي ھڪڙي گمائشتي کي ٺيڪي تي ڏئي ڇڏيو. انھيءَ وچ ۾ سميجا موقعو وٺي، پنھورن ۽ ڪوريجن کي زمين تان ھڪالي پاڻ مالڪ بنجي ويھي رھيا. ھنن پنھورن ۽ ڪوريجن سان وڙھڻ لاءِ درياهه جي اورينءَ ڀر ”بکر“ جي راڄڌانيءَ ۾ ”لاکيرن“ جي ڳوٺ ۽ ڳاھن جي پرڳڻي ۾ ”بھڻن“ جي ڳوٺ کي اچي باھيون ڏنيون ۽ اھا ساڳي ڪار ڪندا ”ڪانھريءَ“ ۽ ”سامتاڻيءَ“ کان وڃي نڪتا، جتي بھاءُ الدين پنھور ويٺل ھو. پنھور ۽ ڪوريجا پاڻ ۾ متحد ٿي، چئن پنجن ھزارن جي فوج سان درياهه پار ڪري اچي جوڻيجن جي ڳوٺ ”ٻٻريءَ“ ۾ گڏ ٿيا، جتي جيسر گماشتو به اچي ساڻن شامل ٿيو. ٻئي طرف سميجا ۽ انڙ به اٽڪل پنجن ڇھن ھزارن جو لشڪر تيار ڪري اچي گچيري ڳوٺ ۾ ڪٺا ٿيا، جيڪو پڻ ساڳئي پرڳڻي ۾ ھو. آخر ٻنھي ڌرين جي وچ ۾ ڳچيري وٽ سخت ويڙهه ٿي، جنھن ۾ جيسرن، پنھورن ۽ ڪوريجن جي سوڀ ٿي ۽ اڳتي ھلي ھيءُ ڳوٺ اجڙي تباهه ٿي ويو .


هن صفحي کي شيئر ڪريو

داخلا ۾ استعمال ٿيل تاريخون

00.00.1598  عيسوي

1007هه/ 1598ع ۾ سيوھڻ جي گورنر بختيار بيگ، پنھورن جو لاباري پيل فصل، جير نالي ھڪڙي گمائشتي کي ٺيڪي تي ڏئي ڇڏيو.



ڳوٺ - ڀاڱي جون ٻِيون داخلائون

بالاڪوٽ
بالي شاهه
ٻاٻوري (ڳوٺ)
آتڻاه موري
ٻاٺو (ڳوٺ)
بڇيري
بختيارپور
ٻاراچ (ڳوٺ)
ٻاروچو باغ
ٻاٻري
ڳوٺ ڀاڱي جا وڌيڪ مضمون