داخلا نمبر 5515
عنوان ٽالپر هز هائينس مير نور محمد خان حمزوي ثاني
شاخ شخصيتون
پڙهيو ويو 321 ڀيرا
داخلا جو حوالو انسائيڪلوپيڊيا سنڌيانا جلد ٻيو

ٽالپر هز هائينس مير نور محمد خان حمزوي ثاني

ٽالپر، هز هائينس مير نور محمد خان ”حمزوي“ ثاني: هز هائينس مير حاجي نور محمد خان ”حمزوي“ ابن هز هائينس مير حسين علي خان ٽالپر حيدرآباد ۾ 11 شوال 1279 هه/ 1863ع ۾ پيدا ٿيو. قرآن مجيد ۽ ديني تعليم مير محمد حسن علي خان کان حاصل ڪيائين. مير صاحب سخن شناس، عبادت گذار ۽ نيڪ انسان ٿي گذريو آهي. سن 1920ع ۾ حضرت امام حسين عليه السلام جي روضي مبارڪ جو سونو منارو تيار ڪرايائين ۽ ڪيترائي مذهبي ڪتاب، جهڙوڪ: ”الوامع التنزيل“، ”تفسير قرآن مجيد“ ۽ ”نهرالبڪا“ ڇپرائي مفت ورهايائين. مير محمد بخش خان ٽالپر ۽ مير علي بخش خان ٽالپر، مير صاحب جا فرزند هئا، جن جو اولاد اڄ تائين لطيف آباد نمبر 4 ۾ رهي ٿو.
مير صاحب 28 ذو الحج 1345 هه/ 29 جون 1947ع ڪربلا معليٰ ۾ زيارت لاءِ ويو، اتي وفات ڪيائين ۽ اتي ئي دفن ٿيو.


هن صفحي کي شيئر ڪريو