داخلا ؛ 7444
پڙهيو ويو ؛ 328
پسند ڪيو ويو ؛ 0
تاريخ ؛ 2014-06-10


تصويرون




ٽائيم لائين




sindhianaسنڌيانا--پاشا

ٽائيٽل ؛ پاشا


شاخ : لقب

پاشا: هي -ترڪي- ٻوليءَ جو عزت ڀريو لقب آهي، جيڪو ڪنهن وقت ۾ -ترڪ- حڪمرانن جو لقب هو، جيڪو لقب 1934ع ۾ -ان- معنيٰ جي حوالي سان رد ڪيو ويو. 1952ع تائين اهو لقب -اوڀر- جي ٻين ملڪن ۾ به استعمال ٿيندو رهيو. هي لقب تيرهين صديءَ عيسويءَ ۾ -آقا- جي معنيٰ طور استعمال ڪيو ويندو هو، بعد ۾، انهيءَ معنيٰ ۾ -ان- جو استعمال ختم ڪيو ويو. هيءُ لقب مذهبي ماڻهن کي وقت بوقت ڏنو پئي ويو آهي. هيءُ لفظ ”شاهه“ جي نعم البدل طور به ڪم ايندو رهيو آهي، هي لقب ترڪستان ۽ مصر جي حاڪمن جو لقب به رهيو آهي. هيءُ لقب صرف فوجين لاءِ ئي استعمال نه ٿيندو هو، بلڪه ڪن غير فوجين ۽ ديواني آفيسرن کي به هن لقب سان نوازيو ويندو هو. هيءُ لفظ ڪن حالتن ۾ عورتن لاءِ به استعمال ٿيندو هو. ائين محسوس ٿئي ٿو ته -پاشا- جو لقب تيرهين صديءَ جي آخر ۾ خاص ماڻهن جي نالن سان شامل ٿيو، جيڪي -ايشيا- ۾ ننڍيون ننڍيون رياستون قائم ڪيو ويٺا هئا. عثمانين ۾ بادشاهن کي ’پاشا‘ جي لقب سان سڏيو ويندو هو. -پاشا- جو لقب ابتدا کان ئي حڪمرانن کي ڏنو ويندو هو. ڪجهه وقت کان پوءِ -پاشا- جو لقب ٻن منصبن وارن، يعني صوبي جي اميرالامراءِ ۽ وفاقي وزيرن لاءِ به استعمال ٿيڻ لڳو. هڪ اهڙو زمانو به آيو، جو -پاشا- جو لقب وزير لاءِ استعمال ٿيڻ لڳو. سليم -پاشا- جي سلطنت ۾ يورپ، -ايشيا- ۽ آفريڪا جون ڇويهه ولايتون هيون، جيڪي هڪ سؤ ٽيهن علائقن تي مشتمل هيون، -جن- کي صوبو چوندا هئا. هر ولايت جو حـاڪم هڪ ’پاشا‘ هوندو هو. اهڙي -پاشا- جو منصب هڪ وزير جي منصب برابر هوندو هو. پاشائن جي مقرري هر سال ڪئي ويندي هئي، پر جيڪڏهن ڪو -پاشا- ايترو طاقتور هوندو هو، جو -ان- کي برطرف ڪرڻ ۾ ’باب عاليءَ‘ کي -بغاوت- جو انديشو محسوس ٿيندو هو، يا ڪو -پاشا- ديوان عاليءَ جي ڪن وزيرن کي پنهنجو طرفدار بڻائي رکندو هو ته اُُهو ڪيترا سال يا وري سڄي عمر پنهنجي عهدي تي دائم ۽ -پاشا- جي لقب سان قائم رهندو هو. انتظامي معاملن ۾ -پاشا- جي مدد لاءِ ’باب عاليءَ‘ طرفان ٻه يا ٽي ماڻهو مقرر ڪيا ويندا هئا. سلطنت عثمانيه جي خاتمي تي انهن سڀني عهدن -تان- -پاشا- جو نالو ختم ڪري صرف فوج جي سربراهه لاءِ استعمال ڪيو ويو، پر 1934ع کان فوج ۾ ’پاشا‘ جي جڳهه ’جنرل‘ لفظ ورتي.




رايا ؛ ترڪي، لقب
حوالو ؛ انسائيڪلوپيڊياسنڌيانا جلد ٽيون

ڇا اوهان وٽ -پاشا- سان لاڳاپيل ڪو مواد تصوير يا نقشو وغيره آهي، ته اوهان اهو مواد انسائيڪلوپيڊيا سنڌيانا سان شيئر ڪريو، اسان هن داخلا کي اوهان جي مواد سان وڌيڪ بهتر بڻائينداسين.
مواد موڪلڻ لاءِ ڪلڪ ڪريو
ڇا هي مضمون اوهان کي پسند آيو ته هن بٽڻ تي ڪلڪ ڪريو
//
مکيه صفحو
داخلا صفحو
فهرست موضوع
فهرست الف ب
تاريخ جا حوالا
تصويرون
جامع سنڌي لغت
سنڌي انگريزي لغت
بلاگ ۽ بحث
مدد ڪريو
ڊاڪومينٽيشن
اسان بابت
رابطو ڪريو

پاشا - مان نڪتل ٻيون شاخون-


لقب - موضوع جون ٻيون داخلائون-
بدوي
ٻيلي ڌڻي
آريا مھر
ارباب
آغا
ابو تراب
ثقفي مختار رضه
ڀوتار
ڀُوپت
تَخلص
پاشا


.....لقب موضوع جون وڌيڪ داخلائون

انسائيڪلوپيڊيا سنڌيانا، پراجيڪٽ آف سنڌي لئنگئيج اٿارٽي، حق ۽ واسطا محفوظ آهن