داخلا نمبر 7607
عنوان پانڌي واھي
شاخ جاگرافي ۽ ماڳ مڪان
پڙهيو ويو 95 ڀيرا
داخلا جو حوالو انسائيڪلوپيڊياسنڌيانا جلد ٽيون
واهي پانڌي جي تصوير

واهي پانڌي جي تصوير

پانڌي واھي

پانڌي واھي (ماڳ ):ھي ماڳ 250 40\' اتر ويڪرائي ڦاڪ 640 22\' اوڀر ڊگھائي ڦاڪ موجوده ڳوٺ پانڌي واھي تعلقي جوھي، ناڙي نئن جي ويجھو ضلعي دادو ۾ آهي. هن دڙي جي ماپ 350 x 450 x 20 گھڻو حصو قبرستان ٿي ويو آھي. هي ڌاتو پاھڻي ۽ آمري ڪلچر جي دؤر جو ماڳ چيو وڃي ٿو. هن ماڳ جي وصف هيءَ آهي ته ڳاڙھي تي ڪارو ٺڪر جيڪو سنڌو تھذيب جي سڃاڻ آھي ۽ آمريءَ وارو ٻه رنگو ٺڪر به مليو آھي. پٿر مان ٺھيل ھڪ تير جو ڦر جيڪو سنڌ ۾ ٻئي ھنڌان ڪونه مليو آھي. ٽامي جا ڦر جيڪي سنڌ ۾ ٻين ماڳن کان سواءِ موھن جي دڙي جي کوٽائيءَ مان مليا آھن، سي پٿر جي ڦر تان نقل ڪيا ويا ھوندا. پٿر جي ڦرن جي ٺهڻ ۽ ان جي ٻين ھنڌن تي پکيڙ ٻڌائي ٿي ته ھي اوزار شايد ڏکڻ ايشيا جي ايجاد ھجي، پر سنڌ ۾ ھن جو ملڻ اتفاقي آھي. ان کان سواءِ پٿر جا پتلا، ٺڪر جو کرل، پٿر جا مڻڪا، ٺڪر جا مڻڪا، ٺڪر جون ٽڪيون به مليون آھن.


هن صفحي کي شيئر ڪريو