داخلا نمبر 7705
عنوان پتاشو
شاخ کاڌ خوراڪ
پڙهيو ويو 91 ڀيرا
داخلا جو حوالو انسائيڪلوپيڊياسنڌيانا جلد ٽيون

پتاشو

پتاشو: هڪ قسم جي مٺائي، کنڊ جي چاش مان ٺهيل اڇي گول ٽڪي، پتاشا مٺائيءَ طور خوشيءَ وارن موقعن (شادي، نڪاح، طوهر وغيره) تي ورهائبا آهن. ”پتاشو“ مٺو ٿيندو آهي، انهيءَ ڪري نهايت مٺي شيءِ جي پتاشي سان ڀيٽ ڪندا آهن. جيئن: ”پتاشو انب“، جيڪو تمام مٺو ٿيندو آهي، ان ڪري انب جي ان جنس تي ”پتاشو“ نالو رکيو ويو. اهڙيءَ طرح کجيءَ جي هڪ جنس گهڻي مٺي ٿئي ٿي، تنهنڪري کجيءَ جي انهيءَ جنس کي ”پتاشو کجي“ چوندا آهن. پتاشن جو شربت تپ جي گرمي ۽ اُڃ گهٽائي ٿو، ڳوٺن ۾ ان کي سُنڍ، ڪارن مرچن، ڦوٽن ۽ گيهه ۾ ڳاري پيئندا آهن ته کنگهه ۾ فائدو ڏيندو آهي. هيءُ طعام کي هضم ڪرڻ لاءِ به مفيد سمجهيو ويندو آهي. ٻهراڙين ۾ اڄ به ڪٿي ڪٿي خوشيءَ جي موقعن تي پتاشا ورهايا ويندا آهن.


هن صفحي کي شيئر ڪريو

هن داخلا لاءِ تاريخ جا حوالا موجود نه آهن

کاڌ خوراڪ - ڀاڱي جون ٻِيون داخلائون

بادشاهِڻِ
بادِلو2
آبِحيات
باديانُ
آب زُلال
آبِ زمزم
آب ڪوثر
باسپتي
آڀون
باکرو ڏاڙهون
کاڌ خوراڪ ڀاڱي جا وڌيڪ مضمون