داخلا نمبر 6776
عنوان پير حسن ڪبير الدين رح
شاخ شخصيتون
پڙهيو ويو 251 ڀيرا
داخلا جو حوالو انسائيڪلوپيڊيا سنڌيانا جلد ٽيون

پير حسن ڪبير الدين رح

پير حسن ڪبير الدين رح: هيءُ اسماعيلي داعي ، بزرگ پير صدر الدين جو فرزند هو . سندس نالو حــســن ڪـبيــر الــديــن هو . کيس سيد السادات ، بُت شڪن ، حسن دريا ، سيد حسن شاهه ، پير حسن اُچوي ، سيد حسن شمس ، سيد حسن ڪفر شڪن ، مخدوم سيد ڪبير الدين شاهه ، گُرو حسن شاهه ۽ گُرو پير حسن الحسيني به چيو ويندو هو . سندس ولادت جو سال 792هه/ 1391ع آهي . پير حسن ڪبير الدين ننڍپڻ کان ئي هوشيار هو . قرآن پاڪ ۽ حديث جو وڏو ڄاڻو هو . عربي ۽ فارسيءَ تي عبور هوندو هئس . سنڌي ، گجراتي ، ڪڇي ، سرائڪي ۽ پنجابي توڙي ٻين ٻولين تي دسترس حاصل هئس . ننڍي هوندي کان ئي عبادت ۽ مذهبي ڪمن ۾ رُڌل رهندو هو . ڏات ڌڻي ، شاعر ۽ سٺو مقرر به هو . سندس ’گنان ‘ مشهور آهن ، جن ۾ عربي ۽ فارسي ٻولين جي آميزش آهي . کيس سندس والد پير صدرالدين ( جنم: 1290ع- وفات: 1409ع ) جي رحلت کان پوءِ امام الزمان طرفان پير مقرر ڪيو ويو .
پير حسن ، اولهه ، وچولي ۽ اتر هندستان جو گهڻو سفر ڪيو ، جتي اسلامي دعوت ۽ پرچار جو ڪم ڪيائين . تنهن کان پوءِ ڪشمير ، افغانستان ، ايران ، عراق ۽ عرب ملڪ به گهمي ڏٺائين ، پر حياتيءَ جو وڏو حصو سنڌ ، پنجاب ۽ گجرات ۾ گذاريائين . کيس ارڙهن فرزند ۽ هڪ نياڻي ” ٻائي ٻڍاڻي “ هئي . سندس گنانن جو وڏو ذخيرو اسماعيلي جماعت وٽ موجود آهي . سندس درٻار اُچ شريف ۾ آهي .


هن صفحي کي شيئر ڪريو

داخلا ۾ استعمال ٿيل تاريخون

1391.00.00  عيسوي

حــســن ڪـبيــر الــديــن جي ولادت 792هه/ 1391ع ۾ ٿي



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون