داخلا نمبر 7004
عنوان پير محمد زمان شاهه هاشمي
شاخ شخصيتون
پڙهيو ويو 311 ڀيرا
داخلا جو حوالو انسائيڪلوپيڊيا سنڌيانا جلد ٽيون

پير محمد زمان شاهه هاشمي

پير محمد زمان شاهه هاشمي: سخي هاشم جي اولاد، هاشمي مٽياري ساداتن جي پڳدار، سيد پير محمد زمان شاهه، سيد بقادار شاهه هاشميءَ جي گهر ۾ 11 نومبر 1916ع تي مٽيارين ۾ جنم ورتو. سندس پرورش سندس چاچي الهيار شاهه جي نگرانيءَ ۾ ٿي. محمد زمان بي. اي آنرز ۽ ايم. اي تائين تعليم حاصل ڪئي. کيس انگريزي ٻوليءَ ۽ موسيقيءَ جي فن ۾ وڏي مهارت حاصل هئي. پير صاحب حيدرآباد ميوزڪ آرٽس سرڪل جو چيئرمئن به رهيو. موسيقيءَ تي سندس هڪ ڪتاب انگريزيءَ ۾ ۽ هڪ سنڌيءَ ۾ ’علمِ موسيقي‘ جي نالي سان لکيل آهي، جنهن جو پهريون حصو 1967ع ۾ لکيائين، جيڪو 25 صفحن تي مشتمل آهي. هي ٻئي ڪتاب بدقسمتيءَ سان اڃا تائين ڇپجي نه سگهيا آهن. سياست ۾ به سندس ڪردار رهيو آهي ۽ عبدالستار پيرزادي جي وڏي وزارت جي دور ۾ گهروکاتي جو صلاحڪار به رهيو. موجوده دور جي مشهور معروف گلوڪاره عابده پروين کي ريڊيو تي سائين محمد زمان شاهه ئي متعارف ڪرايو. پاڻ فنڪارن/گوين جو معترف ۽ مددگار رهيو. هر وقت گويا ۽ فنڪار سندس اوطاق تي موجود رهندا هئا ۽ موسيقيءَ جون محفلون ٿينديون رهنديون هيون. پير صاحب کي ٽي فرزند سيد پير الهيار شاهه، سيدار شاهه ۽ عرفان شاهه نالي آهن، جن مان سيد پير الهيار شاهه کانئس پوءِ سجاده نشين آهي. سندس وفات21 سيپٽمبر 1993ع تي ٿي.


هن صفحي کي شيئر ڪريو

داخلا ۾ استعمال ٿيل تاريخون

1916.11.11  عيسوي

پير محمد زمان شاهه هاشمي 11 نومبر 1916ع تي مٽياري ۾ جنم ورتو


1993.09.21  عيسوي

پير محمد زمان شاهه هاشمي21 سيپٽمبر 1993ع ۾ وفات ڪري ويو



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون