داخلا جي تاريخ 2013-06-26
داخلا نمبر 7010
عنوان پير محمود الحسن جان سرهندي
شاخ شخصيتون
پڙهيو ويو 165 ڀيرا
داخلا جو حوالو انسائيڪلوپيڊيا سنڌيانا جلد ٽيون

پير محمود الحسن جان سرهندي

پير محمود الحسن جان سرهندي: پير محمود الحسن جان سرهندي ولد پير محمد فريد جان 1915ع ڌاري جهرڪ، ضلعي ٺٽي ۾ پيدا ٿيو. جتان سندس والد هجرت ڪري پهرين بڇيري (ضلعي نوابشاهه) ۾ ۽ پوءِ اُتي ئي پنهنجي نالي سان ڳوٺ ٻڌائي رهڻ لڳو. پير محمود الحسن سرهندي شروعاتي تعليم پنهنجي ئي ڳوٺ ۾، پنهنجي والد جي زير نگراني سندس مدرسي مان حاصل ڪئي. پير صاحب ننڍي هوندي کان ذهين هو ۽ راڄ جي ماڻهن سان بهتر وهنوار رکندو هو.
جوانيءَ ۾ خاڪسار تحريڪ ۾ شامل ٿي، نوابشاهه ضلعي جي نئشنل گارڊ جي ڪمانڊ سنڀاليائين ۽ ڏينهن رات محنت ڪري تحريڪ کي مضبوط ۽ متحرڪ ڪيائين. علامه مشرقيءَ سان تمام گهڻي ويجهڙائپ رهيس. آزاديءَ واري تحريڪ دوران مسلم ليگ جي متحرڪ ٿيڻ کان پوءِ سندس سياسي وابستگي مسلم ليگ جي اهم ليڊرن، سيٺ حاجي عبدالله هارون، خانبهادر محمد ايوب کهڙي ۽ سر غلام حسين هدايت الله سان ٿي.
50- 1949ع ڌاري تعلقي ڪوآپريٽو زرعي بئنڪ شهدادپور جو بنياد وڌائين ۽ ان جو باني چيئرمئن بڻيو. ايوب خان جي دؤر ۾ ٻه ڀيرا صوبائي اسيمبليءَ جي ٽڪيٽ تي چونڊ وڙهيو، پر ڪامياب نه ٿي سگهيو. هن 25 جون 1981ع ۾ وفات ڪئي.


هن صفحي کي شيئر ڪريو

داخلا ۾ استعمال ٿيل تاريخون

1915.00.00  عيسوي

پير محمود الحسن جان سرهندي 1915ع ڌاري جهرڪ ضلعي ٺٽي ۾ پيدا ٿيو


1981.06.25  عيسوي

پير محمود الحسن جان سرهندي 25 جون 1981ع ۾ وفات ڪئي



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون