داخلا نمبر 6937
عنوان پيرغلام رسول سرهندي
شاخ شخصيتون
پڙهيو ويو 382 ڀيرا
داخلا جو حوالو انسائيڪلوپيڊيا سنڌيانا جلد ٽيون
پيرغلام رسول سرهندي

پيرغلام رسول سرهندي

پيرغلام رسول سرهندي

پير، غلام رسول سرهندي: ناميارو عالم پير غلام رسول سرهندي، 2 جنوري 1912ع تي اڳوڻي ضلعي حيدرآباد جي شهر مٽياريءَ ۾ ڄائو. هن قرآن شريف جي تعليم مشهور عالم قاضي عبدالرحمان کان ۽ فارسيءَ جي تعليم مولانا محمد فاضل ڪابليءَ وٽان ۽ عربيءَ جي ابتدائي تعليم مولوي محمد يوسف ديري غازي خان واري کان حاصل ڪئي. ان کانپوءِ سورت جي دابيل مدرسي ۾ داخل ٿيو. جنهن جو مهتمم مولانا احمد گجراتي هو. اتان مولانا شبير احمد عثماني ۽ ٻين استادن کان بيضاوي، عقاد نسفيه ۽ دُورِ حديث (بخاري ۽ مسلم) پڙهي مڪمل ڪيـائيــن. مـدرسـه دهـلـيءَ جي مـولانــا ڪفايت الله سـندس سائـي پٽڪـي سـان دستاربندي ڪرائي ۽ کيس سڏائي ٻين عالمن کي ٻڌايائين ته ”دابيل جي مدرسي ۾ سڀ کان صحيح عبارت هي نوجوان پڙهندو هو.“
پير غلام رسول جو حافظو تيز هو. کيس تاريخ، علم ۽ ادب سان گھڻي دلچسپي هئي. هن کي سڄي سنڌ جي بزرگن ۽ مشاهيرن بابت تمام سٺي ڄاڻ حاصل هئي. هيءُ اڪثر بزرگن جي مزارن تي زيارت لاءِ پري پري تائين ڪَهي ويندو هو. هن جـي تـصنيفن ۾: (1) ’لذت الارواح‘ (1395هه/ 1975ع)، (2) ’سوانـح حيـات حـضـرت آقـا غـلام مجـدد سرهنديرح‘ (1996ع)، (3) ’انساب نـامـو‘ ۽ (4) ’ملفوظات الاڪابر‘ (1370 هه/1950ع) ڇپيل آهن.
سندس وفات 27 صفر 1411 هه/ 17 سيپٽمبر 1990ع تي ٿي.


هن صفحي کي شيئر ڪريو

داخلا ۾ استعمال ٿيل تاريخون

1912.01.02  عيسوي

پير غلام رسول سرهندي 2 جنوري 1912ع تي مٽياريءَ ۾ ڄائو


1990.09.17  عيسوي

پير غلام رسول سرهندي جي وفات 27 صفر 1411 هه/ 17 سيپٽمبر 1990ع تي ٿي



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون