داخلا نمبر 4768
عنوان ڀٽو مولا بخش مسڪين
شاخ شخصيتون
پڙهيو ويو 496 ڀيرا
داخلا جو حوالو انسائيڪلوپيڊيا سنڌيانا جلد ٻيو

ڀٽو مولا بخش مسڪين

ڀٽو، مولا بخش ”مسڪين“: مولا بخش ”مسڪين“ ڀٽو ، 1909ع ڌاري شڪارپور ۾ پيدا ٿيو. سندس والد جو نالو عبدالمجيد هو. پرائمري اسڪول ۾ تعليم وٺڻ بعد 1909ع ۾ سنڌي فائنل جو امتحان پاس ڪري ورتائين. جيئن ته آزاد خيال انسان هو، انڪري سرڪاري ملازمت ڪرڻ بدران سول ڪورٽ ۾، عريض نويس ٿي گذاريائين. سندس حياتيءَ جو گھڻو عرصو جيڪب آباد شهر ۾ گذريو. مذهبي تعليم جي طرف توجهه هئس. روزي نماز جو بيحد پابند هو، ايتري قدر جو، جماعت کان سواءِ شايد ئي ڪا نماز ادا ڪيائين. حياتيءَ جي پوئين عرصي ۾ سڀ ڪجھه ڇڏي، يادِ خدا ۽ لکڻ پڙهڻ جي شغل ۾ گذاريائين.
سندس تصنيفن مان هڪ ڪتاب”حقوق الوالدين “ ڇپجي چڪو آهي ۽ سندس ٻيون تصنيفون به مذهبي معلومات جو ذخيرو آهن ۽ دستخطن جي صورت ۾ باقي آهن. اُنهن مان هن” سورة يوسف ۽ ياسين“ جو تفسير وڏيءَ محنت سان لکيو. مولا بخش ”مسڪين“چڱو نثر نويس ته هو، پر شاعر به هو. سندس بيتن جو هڪ مجموعو ” ابيات مسڪين“ نالي سنڌي ادبي بورڊ طرفان گھڻو اڳ ڇپجي چڪو آهي، سندس بيتن ۾ ناصحانه شعر گھڻا آهن. ”مسڪين“ جي ڪلام ۾ پختگي ۽ رواني آهي.
شڪار پور جو هي زنده دل شاعر مولا بخش ” مسڪين “ ڀٽو، گھڻو وقت بيمار رهڻ بعد 24 سيپٽمبر 1953ع تي وفات ڪري ويو.


هن صفحي کي شيئر ڪريو

داخلا ۾ استعمال ٿيل تاريخون

1909.00.00  عيسوي

مولا بخش ” مسڪين “ ڀٽو ، 1909ع ڌاري شڪارپور ۾ پيدا ٿيو


1953.09.24  عيسوي

مولا بخش ڀٽو 24 سيپٽمبر 1953ع تي وفات ڪئي



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون