داخلا نمبر 4757
عنوان ڀٽو صنم
شاخ شخصيتون
پڙهيو ويو 205 ڀيرا
داخلا جو حوالو انسائيڪلوپيڊيا سنڌيانا جلد ٻيو
صنم ڀٽو

صنم ڀٽو

ڀٽو صنم

ڀٽو، صنم: شهيد ذوالفقار علي ڀٽي جي ننڍي نياڻي ۽ محترمه شهيد بينظير جي ننڍي ڀيڻ، صنم ڀٽو 1957 ڌاري جنم ورتو. هن هارورڊ يونيورسٽيءَ مان گريجوئيشن ڪئي آهي، سندس شادي ناصر حسين سان ٿي هئي. پر هن وقت سندن علحدگي ٿي چڪي آهي. صنم ڀٽو گهڻي عرصي کان پرڏيهه ۾ رهي ٿي.
ڊسمبر 2007ع ۾ جڏهن محترمه بينظير ڀٽو جي شهادت جو المناڪ واقعو پيش آيو ته صنم ڀٽو پنهنجي ڀيڻ جي آخري ديدار لاءِ سنڌ آئي. هوءَ هن وقت شهيد ڀٽو خاندان جي واحد چشم و چراغ آهي، جيڪا زنده حيات آهي. کانئس هڪ انٽرويو ۾ سياست ۾ اچڻ بابت پڇيو ويو ته هن وراڻيو ته سندس سياست ۾ اچڻ جو ڪو به ارادو نه آهي. هن وقت صنم ڀٽو پنهنجي فرزند ’شهمير حسن‘ ۽ نياڻي ’آزادي‘ سان گڏ لنڊن ۾ رهائش پذير آهي .


هن صفحي کي شيئر ڪريو