داخلا نمبر 8572
عنوان چانڊيو، غلام عباس
شاخ شخصيتون
پڙهيو ويو 4 ڀيرا
داخلا جو حوالو انسائيڪلوپيڊيا سنڌيانا جلد چوٿون
غلام عباس چانڊيو

غلام عباس چانڊيو

چانڊيو، غلام عباس

چانڊيو، غلام عباس: غلام عباس چانڊيو ڳوٺ الله بخش چانڊيي، تعلقي سڪرنڊ، ضلعي نوابشاهه (هاڻوڪي ضلعي بينظيرآباد) ۾ 1960ع ڌاري ڄائو. سندس پيءُ پنهل خان چانڊيو پ پ پ جو نامور سياستدان ۽ ايم. آر. ڊي تحريڪ جو اهم ڪردار رهيو آهي. غلام عباس، شاهه عبداللطيف يونيورسٽي خيرپور مان سنڌيءَ ۾ ايم. اي ڪئي. سندس خانداني طور سياسي وابستگي پيپلز پارٽيءَ سان رهي. هن 1983ع ۾ جنرل ضياء الحق جي آمريت خلاف جمهوريت جي بحاليءَ واري تحريڪ (M.R.D) ۾ ڀرپور حصو ورتو. آسپاس جي ڳوٺن جي مشاورت سان 9 آڪٽوبر 1983ع تي بلدياتي چونڊن جو بائيڪاٽ ڪيائين. ايم. آر. ڊي دوران شهيد ٿيلن جي سوڳ ۾ هن وڏو جلوس ڪڍايو ۽ نيشنل هاءِ. وي تي شهيدن جي قرآن خواني ڪرائي. قرآن خوانيءَ دوران فوجين ماڻهن کي روڊ خالي ڪرڻ لاءِ چيو، پر هنن انڪار ڪيو. نتيجي طور فوجين جي فائرنگ ۾ 16 بيگناهه ڳوٺاڻا شهيد ٿي ويا ۽ ڪيترا زخمي ٿيا، جن کي نوابشاهه فوجي ڪئمپ ۾ رکيو ويو. سندس والد پنهل خان چانڊئي کي گرفتار ڪري مٿس سخت تشدد ڪيو ويو. جنهن تشدد کان هو جانبر نه ٿي سگهيو.
غلام عباس چانڊيو 1988ع دوران پ پ پ ضلعي نوابشاهه جو صدر مقرر ٿيو. 1988ع ۾ شهيد بينظير ڀٽو جي وزيراعظم هئڻ دوران سنڌ جي وزيراعليٰ جو صلاحڪار ٿيو. ان بعد 1990ع وارين چونڊن کان پوءِ ڄام صادق علي جي حڪومت دوران کيس جهاز اغوا ڪيس ۾ گرفتار ڪيو ويو. 1993ع جي اليڪشن مهم دوران 5 جون 1993ع سڪرنڊ روڊ تي گاڏيءَ سان پيش آيل حادثي ۾ وفات ڪري ويو.


هن صفحي کي شيئر ڪريو

داخلا ۾ استعمال ٿيل تاريخون

1993.06.05  عيسوي

غلام عباس چانڊيو 1993ع جي اليڪشن مهم دوران 5 جون 1993ع سڪرنڊ روڊ تي گاڏيءَ سان پيش آيل حادثي ۾ وفات ڪري ويو.



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون