داخلا نمبر 8581
عنوان چانڊيو، منير2
شاخ اديب
پڙهيو ويو 4 ڀيرا
داخلا جو حوالو انسائيڪلوپيڊيا سنڌيانا جلد چوٿون
 منير چانڊيو

منير چانڊيو

چانڊيو، منير2

چانڊيو، منير2: نوجوان اديب منير چانڊيو، 8 آڪٽوبر 1983ع تي قنبر ۾ ڄائو. پرائمريءَ کان انٽرميڊيٽ تائين قنبر ۾ پڙهيو. بي. اي ۽ ايم. اي (سنڌي) سنڌ يونيورسٽيءَ ڄامشوري مان ڪيائين. 2003ع ۾ سنڌي شاگرد تحريڪ جي مرڪزي ڪميٽيءَ جو ميمبر چونڊيو. 2008ع ۾ سنڌي ادبي فورم جو مرڪزي سيڪريٽري چونڊيو. سنڌي شاگرد تحريڪ، سنڌي ادبي فورم، سنڌي ادبي سنگت، عوامي تحريڪ، لبرل فورم پاڪستان، انجمن ترقي پسند مصنفين ۽ ٻين تنظيمن جو ميمبر رهي چڪو آهي. سندس ڪالم سنڌي زبان جي مختلف اخبارن ۽ رسالن ۾ ڇپجندا رهن ٿا.
منير چانڊيي جا هيٺيان ڪتاب ڇپيل آهن: (1) ’ڪـيف ڌاران ڪـوءِ‘ (ناول: ٻه ڇاپا)، (2) ’پاڪستان جا بحران ۽ اُنهن جو حل‘ (ڊاڪٽر مبشر حسن جي ڪتاب جو ترجمو)، (3) ’انساني حقن جا معاهدا‘ (ترجمو).
منير چانڊيو هڪ سماجي اداري ’سينٽر فار پيس اينڊ سول سوسائٽيءَ‘ جو پبليڪيشن آفيسر ۽ هڪ پراجيڪٽ ’سنڌ ريسورس سينٽر‘ جو انچارج رهيو ۽ ان اداري جي تحقيقي ۽ اڪيڊمڪ جرنل ’ٽماهي فريڊم‘ جو سب ايڊيٽر به رهيو آهي.


هن صفحي کي شيئر ڪريو

داخلا ۾ استعمال ٿيل تاريخون

1983.10.08  عيسوي

نوجوان اديب منير چانڊيو، 8 آڪٽوبر 1983ع تي قنبر ۾ ڄائو.



اديب - ڀاڱي جون ٻِيون داخلائون

ٻلديو مٽلاڻي
اسماعيل شيخ
امر جليل
اتم اي جي
انعام شيخ
ارباب نيڪ محمد
آسانند مامتورا
بيدل مسرور
آگرو غلام رباني
بهاري لعل ڇاٻڙيا
اديب ڀاڱي جا وڌيڪ مضمون