چنيسر2 : II684 هه 1285ع - 666 هه 1267ع)طائيءَ جي دور ۾ چنيسر سندس بااثر وزير هو. طائيءَ جي موت کانپوءِ سردارن ۽ راڄن چنيسر کي محمد طور جي تخت تي ويهاريو، پر جلد هن پنهنجي گادي ديبل مقرر ڪئي. هن جو دور خوشحاليءَ جو دور هو. سنڌي زبان جو لوڪ داستان ’ليلا چنيسر‘ دور جي ماحول ۽ خوشحاليءَ جي عڪاسي ڪري ٿو. چنيسر پنهنجي وجيهه ۽ خوبصورت شخصيت سبب مشهور هو. هن ملڪ مٿان ارڙهن سال حڪومت ڪئي ۽ سن 1285ع ۾ فطري موت مئو. سندس زال ليلا سندس موت جو صدمو برداشت ڪري نه سگھي ۽ مٿانئس ڪِري مري وئي. اهڙي نموني ٻئي پيار جي دنيا ۾ هڪ انمول مثال ڇڏي امر ٿي ويا.