شاهده کوکر
شاهده کوکر
شاهده کوکر: ناليواري ليکڪه ۽ شاعره، شاهده کوکر، 25 آڪٽوبر 1961ع تي نئين ديري ڀرسان پير جي ڳوٺ، تعلقي رتيديري، ضلعي لاڙڪاڻي ۾ جنم ورتو. تعليمي لحاظ کان ايم. اي (سنڌي ادب)، ايم. اي (اقتصاديات)، ايم. اي (اسلامڪ ڪلچر) ۽ ايم اي صحافت آهي. سندس پهريون مشاهداتي مضمون 1983ع ۾ روزاني اخبار ’هلال پاڪستان‘ ۾ ڇپيو، جيڪو سندس اتساهه جو سبب بڻيو. بعد ۾ ڪيترو وقت ‘جهاتيون’ جي سري سان ڪالم لکيائين. جيڪي سياسي، سماجي ۽ ادبي موضوعن تي هوندا هئا. سندس شاعري ۽ ڪهاڻيون مختلف اخبارن ۾ ڇپجنديون رهن ٿيون. سندس ڪلام سرمد سنڌيءَ سميت غلام شبير سمون، فرزانه پروين ۽ ٻين ڪيترن فنڪارن ڳايا آهن. شاهده کوکر جي شايع ٿيل ڪتابن ۾ ‘بري هن ڀنڀور ۾’ (ڪهاڻيون) ۽ ‘ريشمي خواب ۽ تنهائي’ (شاعري: 2016) قابل ذڪر آهن. پاڻ استادي پيشي سان وابسته آهي ۽ لاڙڪاڻي ۾ رهائش پذير آهي.
لفظ شاهده کوکرھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1961.10.25 عيسوي
ناليواري ليکڪه ۽ شاعره، شاهده کوکر، 25 آڪٽوبر 1961ع تي نئين ديري ڀرسان پير جي ڳوٺ، تعلقي رتيديري، ضلعي لاڙڪاڻي ۾ جنم ورتو.
شاعر - ڀاڱي جون ٻِيون داخلائون
احمد خان گلزاراياز قادري
شيلي
سليمان ڪورائي فقير
انور پرديسي
حاجي محمد يوسف ميمڻ
عثمان فقير سانگي
سيد علي شاهه
پرديپ
پريل سومرو