داخلا نمبر 1903
عنوان ابن حيات پنهور
شاخ شخصيتون
پڙهيو ويو 1695 ڀيرا
داخلا جو حوالو انسائيڪلوپيڊيا سنڌيانا جلد پهريون
ابن حيات پنهور

ابن حيات پنهور

ابن حيات پنهور

ابن حيات پنهور: يارمحمد ابن حيات پنهور، 1920ع ڌاري ضلعي دادوءَ جي ڳوٺ ’کارڙي‘ ۾ ڄائو. پاڻ بهترين اديب ۽ مصنف هو. هن وقت تائين سندس 23 ڪتاب ڇپجي چڪا آهن ۽ ٻه ڪتاب قلمي صورت ۾ موجود آهن. پاڻ 1949ع ڌاري اداره ادبي انجمن قائم ڪيائين. 1951ع ڌاري، پرهه ڦٽي پبليڪيشن قائم ڪيائين، جنهن هيٺ ڪتابي سلسلا منظرعام تي آندائين. ابن حيات پنهور سنڌي ادبي سنگت جي ٻئي د‌ور جي ابتدائي ميمبرن مان رهيو آهي ۽ ان جون ڪيتريون ئي شاخون قائم ڪرڻ ۾ سرگرم حصو ورتائين. ابن حيات پنهور ابتدا ۾ پرائمري استاد هو، بعد ۾ اتان استعيفا ڏئي سنڌي ادبي بورڊ ۾ پروف ريڊر مقرر ٿيو ۽ ويهارو سال ادبي بورڊ ۾ خدمتون سرانجام ڏنائين. ان کان سواءِ هن مختلف ڪتابن جا پيش لفظ، مهاڳ، ڪهاڻيون، افسانا، تاثر، تبصرا وغيره به لکيا. هيءُ ’تاريخ سنڌ- ڪلهوڙا دؤر‘ جي مترجمن مان آهي. نثر کانسواءِ شاعري به ڪيائين. ڇهين ڪلاس لاءِ سماجي اڀياس لکڻ ۾ به حصو ورتائين. ڪجهه عرصو سائين جي. ايم. سيد جي ’سنڌ متحده محاذ‘ جو حيدرآباد ۾ آفيس سيڪريٽري به رهيو. ’اسان جو ادب ۽ اديب‘ ۽ ’قومي گيت‘ (ترتيب)، ’پيئي جن پروڙ‘ ترجمو (ڪهاڻيون)، چار داڻا (ترجمو: ڪهاڻيون)، ’مارڪسي فلسفو‘، ’بدوي قومون‘ ۽ ’اڃا اڳاهون‘ سندس مشهور ڪتاب آهن. حيدرآباد جي ٽنڊي ميرمحمود ۾، محمدي مسجد لڳ ضعيفي جي حالت ۾، 13 جنوري 2003ع تي وفات ڪيائين.


هن صفحي کي شيئر ڪريو

داخلا ۾ استعمال ٿيل تاريخون

1920.00.00  عيسوي

ابن حيات پنهور: يارمحمد ابن حيات پنهور ، 1920ع ڌاري ضلعي دادوءَ جي ڳوٺ ’ کارڙي ‘ ۾ ڄائو .


2003.01.13  عيسوي

حيدرآباد جي ٽنڊي ميرمحمود ۾ ، محمدي مسجد لڳ ضعيفي جي حالت ۾ ، 13 جنوري 2003ع تي وفات ڪيائين .



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون