داخلا نمبر 3995
عنوان اثر سنڌي
شاخ شخصيتون
پڙهيو ويو 287 ڀيرا
داخلا جو حوالو انسائيڪلوپيڊيا سنڌيانا پهرين جلد جو ضميمو

اثر سنڌي

اثر سنڌي: شاعر ۽ صحافي اثر سنڌيءَ جو پورو نالو عبدالعزيز سولنگي ولد چنيسر خان سولنگي آهي. 15 آگسٽ 1959ع تي جهمپير ضلعي ٺٽي ۾ جنم ورتو. پرائمري تعليم گورنمينٽ پرائمري بوائز اسڪول جهمپير مان 1970ع ۾، مئٽرڪ گورنمينٽ هاءِ اسڪول جهمپير مان 1975ع ۾ ڪيائين، انٽر گورنمينٽ مسلم سائنس ڪاليج حيدرآباد مان 1977ع ۾ ۽ گريجوئيشن سچل سرمست آرٽس ڪاليج حيدرآباد مان 1987ع ۾ ڪيائين، جڏهن ته ماسٽرس جي ڊگري سنڌ يونيورسٽيءَ، مان ورتائين.
اثر سنڌي شاعريءَ جي شروعات 1975ع کان ڪئي، هڪ سٺو شاعر آهي، کيس علم عروض ۽ ڇند وديا تي به دسترس حاصل آهي. ڪالم نگار ۽ صحافي به آهي. هن 1987ع ۾ ’سرسوتي‘ مئگزين جا 6 پرچا ڪڍيا. سنڌي ادبي سنگت شاخ جهمپير جو اهم ڪارڪن رهيو آهي. سندس تعلق صحافتي حوالي سان روزاني ڪاوش اخبار سان هڪ وڏي عرصي کان رهيو آهي. کيس 2004ع ۾ علائقائي ٻولين ۾ بهترين ڪالم نگار جو، آل پاڪستان نيوز پيپر سوسائٽيءَ جو اوارڊ به ملي چڪو آهي. اثر سنڌيءَ روزاني اخبار ڪاوش ۾ ٻولي، تعليم ۽ ٻين اهم موضوعن تي برجستا ايڊيٽوريل به لکيا آهن ۽ لکندو رهي ٿو. هن ڪي. ٽي. اين جي پروگرام ’اپٽار‘ ۾ سماجي، سياسي موضوعن تي بحث ۾ حصو ورتو آهي ۽ ان کان سواءِ ڪي ٽي اين نيوز تي نفسياتي مونجهارن ۽ انهن جي حل بابت پروگرام ”بليڪ اينڊ وائيٽ“ جون 36 قسطون نشر ڪري چڪو آهي.
اثر سنڌي (عزيز سولنگي) 1980کان گورنمينٽ بوائز ڊگري ڪاليج ڪوٽڙي ۾ استاد آهي، هن وقت اتي سنڌي مضمون جو اسسٽنٽ پروفيسر آهي .


هن صفحي کي شيئر ڪريو

داخلا ۾ استعمال ٿيل تاريخون

1959.08.15  عيسوي

اثر سنڌي 15 آگسٽ 1959ع تي جهمپير ضلعي ٺٽي ۾ جنم ورتو



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون