داخلا نمبر 2315
عنوان احمد حسين اي قاضي
شاخ شخصيتون
پڙهيو ويو 557 ڀيرا
داخلا جو حوالو انسائيڪلوپيڊيا سنڌيانا جلد پهريون

احمد حسين اي قاضي

احمد حسين اي قاضي: احمد حسين قاضي 15 آگسٽ 1920ع ۾ حيدرآباد ۾ڄائو. هن بمبئي يونيورسٽي مان ميٿميٽڪس ۽ قانون ۾ گريجوئيشن ڪئي. سندس تعلق پاٽ ضلعي دادو سان آهي. هو ڊاڪٽر علي احمد ميمڻ جو اڪيلو اولاد هو، جنهن لياقت ميڊيڪل اسڪول جو بنياد وڌو ۽ سول اسپتال ڪراچيءَ جو ميڊيڪل سپرنٽينڊنٽ رهيو. هو علامه آءِ آءِ قاضي ۽ معيشت دان اي جي اين قاضي جو ويجهو مائٽ هو. احمد حسين قانون جي ڊگري حاصل ڪرڻ بعد وڪالت شروع ڪئي پر ترت ئي 1944ع ۾ انڊين آڊٽ اينڊ اڪائونٽس سروس ۾ هليو ويو.
پاڪستان ٺهڻ کانپوءِ انڪم ٽيڪس کاتي ۾ مختلف عهدن تي فائز رهيو ۽ ڪمشنر انڪم ٽيڪس، ميمبر سينٽرل روينيو بورڊ پڻ رهيو. 1974ع کان 1978ع تائين پاڪستان انڊسٽريل ڊولپمينٽ بئنڪ جو چيئرمين رهيو. کيس سرڪاري خدمتن جي عيوض تمغه پاڪستان به ڏنو ويو هو. 7 جنوري 2007ع ۾ 86 سالن جي ڄمار ۾ گذاري ويو.


هن صفحي کي شيئر ڪريو

داخلا ۾ استعمال ٿيل تاريخون

1920.08.15  عيسوي

احمد حسين اي قاضي: احمد حسين قاضي 15 آگسٽ 1920ع ۾ حيدرآباد ۾ڄائو .


2007.01.07  عيسوي

احمد حسين اي قاضي: کيس سرڪاري خدمتن جي عيوض تمغه پاڪستان به ڏنو ويو هو . 7 جنوري 2007ع ۾ 86 سالن جي ڄمار ۾ گذاري ويو .



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون