اَلڀو شيخ ٺٽوي: الڀو شيخ ، نائين صدي هجريءَ جو ناليوارو درويش ٿي گذريو آهي . الڀي شيخ جو اصل نالو ڄام مارس هو . هو ڄام نظام الدين سمي جو ناٺي ۽ ڀاڻيجو هو . وٽس تمام گهڻي دولت هئي . سيد حسين شيرازيءَ کان فيض حاصل ڪيائين . الڀي نالي پوڻ جي روايت آهي ته هڪ دفعي پيشاب ڪندي پنهنجي اڳيان سون جي واهي وهندي ڏٺائين . ان تي مٽي ۽ پٿر وجهي ان کي پوري ڇڏيائين . جڏهن اها خبر سندس مرشد کي پئي ، ته اُن کيس ” الڀو “ جو لقب ڏئي ڇڏيو: الڀو معنيٰ جنهن کي لوڀ لالچ نه هجي . الڀو شيخ ، بزرگ درويش هو . کيس ڪيترن ئي بزرگ هستين جي ديدار ڪرڻ جو شرف حاصل هو . پهرين ذوالحج 885هه/1480ع تي وفات ڪيائين . سندس مقبرو ٺٽي ۾ آهي .
0885.12.01 هجري
پهرين ذوالحج 885هه/1480ع تي وفات ڪيائين . سندس مقبرو ٺٽي ۾ آهي
1480.00.00 عيسوي
پهرين ذوالحج 885هه/1480ع تي وفات ڪيائين . سندس مقبرو ٺٽي ۾ آهي