رسيد: رسيد ڪاروباري وهنوار ۾ حاصل ڪيل مال توڙي کپت ۾ آيل ۽ وڪري ڪيل سيڌي سامان جي لکيل تحرير آهي. رسيد، سامان پهچڻ جي لکت يا وصوليءَ جي تحرير کي چئجي ٿو. رسيد کي انگريزيءَ ۾ Receipt ۽ Voucher به چئبو آهي. رسيد سان ڪاروبار ۽ آفيسن ۾ استعمال هيٺ آندل سامان ۽ پئسن وغيره جو رڪارڊ رکي، وقت سر حساب ڪتاب ڪيو ويندو آهي. رسيدن جو استعمال زمينن جي ڍل، دڪانداريءَ، پئٽرول پمپن سميت ڏيتي ليتيءَ واري هر هنڌ ٿيندو آهي.