آثم ناٿن شاهي
آثم ناٿن شاهي
آثم ناٿن شاهي: غلام رسول سولنگيءَ جو ادبي نالو آثم ناٿن شاهي هو. هن 2 جنوري 1937ع تي ڳوٺ کاٿڙي، تعلقي خيرپور ناٿن شاهه ضلعي دادوءَ ۾ الله بخش سولنگيءَ جي گهر ۾ جنم ورتو. سندس شمار ناليوارن شاعرن ۾ ٿئي ٿو. آثم ناٿن شاهي پنج درجا سنڌي پڙهڻ کان پوءِ عربي ۽ فارسي تعليم پنھنجي ناني مولوي فيض محمد ’پريشان‘ ۽ لاڙڪاڻي ضلعي جي ڳوٺ الھرکيي جلباڻيءَ جي مدرسي ۾ حاصل ڪئي. پيشي جي لحاظ کان پاڻ ڪڏهن مزدوري، ڪڏهن کيتي ته ڪڏهن خانگي ملازمت ڪري گذر سفر ڪندو رهيو. کيس ننڍپڻ کان ئي شعر و شاعريءَ سان لڳاءُ رهيو. 1962ع کان پوءِ مشھور شاعر ’محسن‘ ڪڪڙائيءَ جي اصلاح هيٺ شعر چوڻ لڳو. ”بزم طالب الموليٰ“ شاخ خيرپور ناٿن شاهه سان وابسته ٿي علمي، ادبي سرگرمين ۾ حصو وٺڻ لڳو. 1963ع ۾ ”محسن ڪڪڙائي“ سان گڏجي ”اداره فلاح و بھبود خيرپورناٿن شاهه“ قائم ڪيو ۽ هڪ لائبرري به کوليائين. سندس شاعري جا مجموعا ”جڏهن اُلا اُڀ ۾“ (1994ع) ۽ ”لھرون لھرون لاٽ“ (1998ع)، ”ڇا چيس آئيني؟“ (2006ع)، ”ڇلڪيا نيڻ ڪٽورا“ (2006ع)، ”سامرين جي شھر ۾“ (2009ع) ۽ ”شاعري“ (2018ع) شايع ٿيل آهن. جڏهن ته نثر جو ڪتاب ”مان به تخليقيان ٿو ڪجهه ويٺو“ (سھيڙيندڙ: ذوالفقار گاڏهي) 2020ع ۾ شايع ٿيو. کيس ادبي خدمتن جي مڃتا طور ”ڪينجهر ادبي بورڊ“ (1994ع) ۽ سنڌي ادبي سنگت طرفان سندس ڪتاب تي نقد انعام مليا. 6 آڪٽوبر 2006ع تي وفات ڪئي.
لفظ آثم ناٿن شاهيھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1973.01.02 عيسوي
هن 2 جنوري 1937ع تي ڳوٺ کاٿڙي تعلقي خيرپور ناٿن شاهه ضلعي دادوءَ ۾ الله بخش سولنگيءَ جي گهر ۾ جنم ورتو هو
2006.10.06 عيسوي
آثم ناٿن شاهي، سندس وفات 6 آڪٽوبر 2006ع تي ٿي .
شاعر - ڀاڱي جون ٻِيون داخلائون
دکايل هوندراجلڇمڻ دُبي
ڀڳوان ٽلواڻي
عـزيـزالله مجروح
الطاف حسين حالي
صابر ٿارياڻي
سڳن آهوجا
حسن درس
در محمد فقير
بيدل دهلوي