آصف چارڻ
آصف چارڻ
آصف چارڻ: سنڌ جي ناليواري فنڪار آصف علي ولد غلام شبير چارڻ جو جنم 08 جنوري 1984ع تي دادو شهر جي غريب آباد محلي ۾ ٿيو. هن ابتدائي تعليم دادوءَ مان، مئٽرڪ هاءِ اسڪول دادوءَ مان، انٽر ۽ بي.اي جا امتحان استاد بخاري ڊگري ڪاليج دادوءَ مان پاس ڪيا. هن راڳ جي بنيادي سکيا سنڌ جي ناليواري فنڪار استاد سينگار علي سليم کان حاصل ڪئي ۽ ان جي وفات بعد باقي سکيا ناليواري فنڪار حنيف لاشاريءَ کان ورتائين.
آصف چارڻ فن جي دنيا ۾ 1993ع ۾ پير پاتو. هن پنهنجي استاد سينگار علي سليم جي وفات بعد سندس نالي پٺيان سيوهڻ شهر ۾ قلندر لعل شهباز درگاهه جي سامهون هڪ ميوزيڪل اڪيڊميءَ جو بنياد وڌو، جنهن اڪيڊميءَ ۾ ڪيترا شاگرد راڳ جي سکيا وٺي رهيا آهن. آصف چارڻ جا 60 کان وڌيڪ آڊيو ۽ وڊيو البم رليز ٿي چڪا آهن. سندس ڳايل ڪيترا گيت مختلف سنڌي چئنلن تان نشر ٿيندا رهن ٿا. سندس ڳايل مشهور گيتن ۾ ’دردن دل آزاري سائين‘ ۽ ’ڪڏهن تنهنجي وارن سندي رات ٿيندي‘ وغيره شامل آهن. آصف چارڻ پي.ٽي.وي کان سواءِ شاهه لطيف ڀٽائي، سچل سرمست ۽ قلندر شهباز جي درگاهن تي ڳائي خوب داد حاصل ڪري چڪو آهي. سندس آواز ۾ درد سمايل آهي. آصف چارڻ ڪيترائي قومي گيت به ڳايا آهن.آصف چارڻ جا ڪيترا گيت ريڊيو پاڪستان خيرپور ۽ لاڙڪاڻي تي رڪاڊ ٿيل آهن. کيس فني خدمتن تي سچل سرمست اوارڊ، استاد بخاري اوارڊ ۽ سرٽيفڪيٽ ملي چڪا آهن. کيس هڪ پٽ جو اولاد آهي، جنهن تي پنهنجي استاد سينگار علي سليم جو نالو رکيو اٿس. هن وقت آصف چارڻ دادوءَ ۾ رهائش پذير آهي.
لفظ آصف چارڻھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1984.01.08 عيسوي
سنڌ جي ناليواري فنڪار آصف علي ولد غلام شبير چارڻ جو جنم 08 جنوري 1984ع تي دادو شهر جي غريب آباد محلي ۾ ٿيو.
راڳي - ڀاڱي جون ٻِيون داخلائون
استاد ڪريم بخش خانڍول فقير
اسلم راهي
سچل فقير جتوئي
سڄڻ مڱڻهار
شفيع محمد جمن
غلام علي سنديلو
ريشمان
سرمد اياز
عالم ڪارو