آغا خان يونيورسٽي اسپتال
آغا خان يونيورسٽي اسپتال
آغا خان يونيورسٽي اسپتال: پاڪستان جي پھرين پرائيويٽ ميڊيڪل يونيورسٽي، جيڪا ڪراچيءَ ۾ آھي، ان جي منظوري حڪومت پاڪستان 16 مارچ 1983ع تي ڏني ۽ ان جو باقاعدي افتتاح 1985ع ۾ پاڪستان جي تڏھوڪي صدر جنرل محمد ضياءُالحق ڪيو. ھن يونيورسٽيءَ جو مقصد نون سائنسي علمن جي واڌاري ۽ اسرندڙ ملڪن کي پيش ايندڙ مسئلن جي حل لاءِ انساني وسيلن جي ترقي آھي. يونيورسٽيءَ جي پھرين فئڪلٽي طب جي آھي، جنھن ۾ ھڪ ميڊيڪل ڪاليج ۽ ھڪ نرسنگ اسڪول آھي. ڪاليج جو بنيادي مقصد ڊاڪٽرن ۽ سرجنن جي تعليم ۽ تربيت آھي. شروعات ايم. بي.بي. ايس لاءِ پنجن سالن جي نصاب موجب تعليم ۽ تربيت جي منصوبي سان ڪئي ويئي. يونيورسٽي ڪئمپس ۾ ھڪ اسپتال به قائم آھي، جنھن جو الحاق ھڪ معاھدي تحت ھن يونيورسٽيءَ سان ٿيل آھي، پر ان جو انتظام ھڪ الڳ ڪاميٽيءَ وٽ آھي. اسپتال ۾ ساليانو 32 ھزار مريضن جي اندرين داخلا، علاج ۽ سھولتن ۽ اڍائي لک کان وڌيڪ ٻاھرين مريضن جي علاج جو بندوبست ٿيل آھي. اسپتال ۾ طب جي گرئجوئيٽ شاگردن جي تربيت کان علاوه نرسن، طبي ڪارڪنن، ٽيڪنيڪل ۽ ٻئي طبي ۽ فني عملي جي تربيت لاءِ به سھولتون مھيا ڪيل آھن.
لفظ آغا خان يونيورسٽي اسپتالھيٺين داخلائن ۾ پڻ استعمال ٿيل آھي
درسگاھه - ڀاڱي جون ٻِيون داخلائون
پبلڪ اسڪول حيدرآبادايليمينٽري سنسڪرت اسڪول
ايس ايم لا ڪاليج (ٽنڊو الهيار)
بين الاقوامي اسلامي يونيورسٽي
سروري اسلاميه ڪاليج هالا
سنڌ مدرسة الاسلام يونيورسٽي
سينٽ جوزف ڪانوينٽ هاءِ اسڪول ڪراچي
پٿوري جو مدرسو
شاهه عبداللطيف يونيورسٽي خيرپورميرس
سنڌي سرڪل