اَبلُ فقير مَهڪاڻي: ابل فقير 1942ع واري حُر تحريڪ جو سرگرم ڪارڪن هو، جيڪو ڳوٺ بائونٺ مري، تعلقي سنجهوري، ضلعي سانگهڙ جو رهاڪو هو. هن جو پير شھيد صبغت ﷲ پاڳاري جي غازي حرن ۾ شمار ٿيندو هو. کيس ’ابوالخير‘ جو لقب پير سائينءَ پاڻ ڏنو هو. ابل فقير انگريزن سان وڙهيو ۽ هٿيار هٿ ڪرڻ لاءِ پنهنجن دوستن سان گڏجي ٿاڻا بہ ڦريائين، جن ۾ ٻوٻي ٿاڻو ۽ کاڻوٺ ٿاڻو شامل آهن. ابل فقير هالن جي ڀرسان سيلاني فقير واري هنڌ تي وڙهيو هو، جنهن ۾ هن ملٽري ۽ سپاهين سان مڙس ٿي مقابلو ڪيو. ڏھہ سال انگريزن سان وڙهيو ۽ سي. آءِ. ڊي پوليس هٿان گرفتار ٿيو. کيس ويھہ سال سزا لڳي، پر ٻہ ٽي سال قيد ڪاٽڻ کان پوءِ سينٽرل جيل مان ساٿين سميت ڀڄي نڪتو. ان کان پوءِ سن آيو، جتي ٻيهر گرفتار ٿيو ۽ کيس ڦاهي گهاٽ ۾ رکيو ويو. اهو ڪيس پاڪستان ٺھڻ کان پوءِ هليو، جنهن ۾ ڦاسيءَ واري سزا لھي ويس ۽ ڏھہ سال سزا ڏنائونس. ون يونٽ ٺھڻ کان پوءِ ابل فقير آزاد ٿيو.
1942.00.00 عيسوي
اَبلُ فقير مَهڪاڻي: ابل فقير 1942ع واري حُر تحريڪ جو سرگرم ڪارڪن هو ،