پروفيسر الياس ابڙو

ابڙو الياس پروفيسر: سنڌ يونيورسٽيءَ جو اڳوڻو وائيس چانسلر پروفيسر محمد الياس ابڙو، 20 نومبر 1920ع تي محمد رمضان ابڙي جي گهر ۾ ڄائو. 1948ع ڌاري سنڌ يونيورسٽيءَ مان ايم. اي ۽ 1952ع ۾ ايل. ايل. بي ڪيائين. اعليٰ تعليم حاصل ڪرڻ لاءِ لنڊن ويو، جتي لنڊن يونيورسٽيءَ مان 1958ع ۾ ايم. ايس . سي پوليٽيڪل سائنس ۽ اڪنامڪس ۾ ڪيائين. سندس ڪيترائي تحقيقي مضمون ڇپجي چڪا آهن، جيڪي ڪيترن ئي سيمينارن ۽ ورڪشاپن ۾ پڙهيا ويا آهن. پاڻ 1949ع ۾ سنڌ يونيورسٽيءَ ۾ ليڪچرر ۽ 1955ع ۾ پروفيسر مقرر ٿيو. اهڙيءَ طرح سخت محنت ۽ پيشي سان سچائيءَ سبب ترقيءَ جون منزلون طيءِ ڪندو، 1963ع ۾ سنڌ يونيورسٽي ڄام شوري ۾ ڪامرس شعبي جو چيئرمئن ۽ 1975ع ۾ آرٽس فئڪلٽيءَ جو ڊين ۽ 1980ع ۾ سنڌ يونيورسٽيءَ ۾ وائيس چانسلر مقرر ٿيو. ان کان سواءِ پاڻ ڪراچي سيڪنڊري بورڊ جو چيئرمئن، تعليم کاتي ۾ آفيسر آن اسپيشل ڊيوٽي ۽ ٻين عهدن تي پڻ رهي چڪو آهي. سندس وفات 30 آڪٽوبر 1994ع تي ٿي.

داخلا ۾ استعمال ٿيل تاريخون

1920.11.20  عيسوي

ابڙو ، الياس ، پروفيسر: سنڌ يونيورسٽيءَ جو اڳوڻو وائيس چانسلر پروفيسر محمد الياس ابڙو ، 20 نومبر 1920ع تي محمد رمضان ابڙي جي گهر ۾ ڄائو .

1994.10.30  عيسوي

ابڙو ، الياس ، پروفيسر: سنڌ يونيورسٽيءَ جو اڳوڻو وائيس چانسلر پروفيسر محمد الياس سندس وفات 30 آڪٽوبر 1994ع تي ٿي .

شخصيتون - ڀاڱي جون ٻِيون داخلائون