احسان علي لغاري

احسان علي لغاري: ليکڪ ۽ شاعر احسان علي لغاري، پھرين مارچ 1984ع تي خير محمد لغاريءَ جي گهر ۾، ڳوٺ عطا محمد لغاري، تعلقي سنجهوري ضلعي سانگهڙ ۾ جنم ورتو. سندس تعليم ايم اي سنڌي آهي. هن لکڻ جي شروعات 1999ع کان ڪئي. 2003ع ۾ ٻارڙن جي بند پيل رسالي ”گلستان“ کي ساڳئي اداري پاران جاري ڪري پنج شمارا شايع ڪرايا، ان بعد جنوري 2004ع ۾ ٻارڙن لاءِ”گلزارِ سنڌ“ رسالو جاري ڪيو، جنهن جا 15 شمارا شايع ٿيا. سندس مضمون ۽ شاعري مختلف ادبي رسالن ۾ شايع ٿيندي رهي ٿي. سندس ڇپيل ڪتابن ۾: جدائي (شاعري:2001ع)، سڻي سڏ ساهڙ جا (ساهڙ فقير جو ڪلام، تحقيق: 2011ع)، پئي پراڻو نه ٿئي (عارف الموليٰ جون تحريرون، سهيڙ: 2012ع)، مون جي ڏٺا ماڳ (ڊاڪٽر نبي بخش خان بلوچ جا سفرناما، سهيڙ: 2013ع)، جدولي حساب (سهيڙ: 2013ع)، ڪلام منٺار فقير راڄڙ رحه (سهيڙ: اردو ۾، 2015ع)، احوال عشق (پريل فقير پينار جو ڪلام، سهيڙ: 2016ع) شامل آهن. پبلشر جي حيثيت ۾ هن مختلف وقتن تي پنج ادارا: (1) اين اي جان فائونڊيشن (2001ع)، (2) فيض فائونڊيشن (2012ع)، (3) رومي ڪتاب گهر (2020ع)، (4) رومي پبلشر (2020ع) ۽ (5) رومي فائونڊيشن (2020ع) قائم ڪري هڪ سئو کان وڌيڪ ڪتاب شايع ڪرايا آهن.هو هن وقت حيدرآباد ۾ رهي ٿو.

داخلا ۾ استعمال ٿيل تاريخون

1984.03.01  عيسوي

ليکڪ ۽ شاعر احسان علي لغاري، پھرين مارچ 1984ع تي خير محمد لغاريءَ جي گهر ۾، ڳوٺ عطا محمد لغاري، تعلقي سنجهوري ضلعي سانگهڙ ۾ جنم ورتو.

شخصيتون - ڀاڱي جون ٻِيون داخلائون