ارڙ فقير ۽ ان جو مقبرو: هي مقبرو ارغون- ترخان دور جو آهي. بٺوري اسٽيشن کان ٧-٨ ڪلوميٽر پري کنڀري واري مسجد کان اولهه ۾- ديهه ڄانڀو ڪنڊي ۾ واقع آهي. هتي پراڻي دور جي ھڪ بزرگ جي مزار آھي ۽ مزار جي آس پاس وڏو قبرستان آھي، هن بزرگ کي مقامي ماڻهو ارڙ فقير چوندا آهن. هتي ڇور ذات جا ماڻهو رھن ٿا. مقام به سندن آھي. عام روايت آھي ته ڇور ذات جا ماڻھو ڪلھوڙا عھد ۾ ھتي آيا ته ھيءَ مزار اڳ ۾ ھتي موجود ھئي. جيڪا ان وقت به پراڻي حالت ۾ موجود ھئي. ممڪن آهي ته ارغون ترخان دور جو ڪو شھيد بزرگ ھجي؟