استاد امير علي خان
استاد امير علي خان
استاد امير علي خان: سنڌ جو مشھور راڳي، امير علي خان'>استاد امير علي خان، 1961ع ڌاري، سخي پير ڪالوني حيدرآباد ۾، استاد رمضان عليءَ جي گهر ۾ ڄائو. شروعاتي تعليم قاضي عبدالقيوم اسڪول مان حاصل ڪئي، جڏهن ته مئٽرڪ نور محمد هاءِ اسڪول ۽ انٽر سچل سرمست آرٽس ڪاليج حيدرآباد مان ڪيائين. ننڍي هوندي کان وٺي راڳ سان دلچسپي هئس. ابتدائي سکيا، پنھنجي پيءُ استاد رمضان عليءَ کان ورتي. بعد ۾ خانصاحب تان رس خان جي ڏوهٽي، استاد واحد حسين خان کان باقاعدي راڳ سکيو. موسيقار نياز احمد خان کان ڪمپوزيشن جي تربيت وٺي 1984ع ۾، پي. ٽي. وي ڪراچي مرڪز تي اسسٽنٽ ڪمپوزر مقرر ٿيو. هن وقت تائين سندس گيتن جا 9 کان وڌيڪ البم اچي چڪا آهن. هن لطيف سائينءَ جي شاعريءَ کي چئن ٻولين ۾ ڳائي، “Latif is Great” جي عنوان سان هڪ البم جاري ڪيو. امير علي خان، ”سُر شاهه، سمنڊ“ جي نالي سان موسيقيءَ متعلق هڪ ڪتاب لکيو، جيڪو سنڌي لئگئيج اٿارٽي پاران 2007ع ۾ شايع ٿيو، جنھن ۾ هن لطيف سائينءَ جي اهم راڳن بابت ڄاڻ ڏني آهي. ان کانسواءِ ”شاھه جو راڳ“ ٻن جلدن تي مشتمل پڻ سنڌي لئنگئيج اٿارٽي 2015ع ۾ ڇپائي پڌرو ڪيو آهي. هن ڪتاب تي کيس اينڊومينٽ فنڊ ٽرسٽ پاران 2017ع ۾ روڪ رقم ۽ اوارڊ ڏنو ويو. ان کانسواءِ کيس ’ورلڊ ميوزڪ ڪانفرنس اوارڊ‘ (دهلي: 2004ع)، ’ڪي. ٽي. اين چئنل فرسٽ سنگر اوارڊ‘ (2003ع) ۽ ’حضرت شاهه عبداللطيف ڀٽائي اوارڊ‘ (2012ع) پڻ ملي چڪا آهن. ڪجهه وقت انسٽيٽيوٽ آف سنڌالاجي ۾، موسيقيءَ جي استاد طور شاگردن کي سکيا پڻ ڏني. استاد امير علي جا ’رنگ موسيقي خوشبو‘ ۽ ’ساز آواز ۽ سکيا‘ نالي ڪتاب پڻ شايع ٿي چڪا آهن ۽ ڪجهه ڪتاب ڇپائي جي مرحلي ۾ آهن.
لفظ استاد امير علي خانھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1961.00.00 عيسوي
: ناميارو نوجوان راڳي، استاد امير علي خان، 1961ع ڌاري، سخي پير ڪالوني حيدرآباد ۾، استاد رمضان عليءَ جي گهر ۾ ڄائو
شخصيتون - ڀاڱي جون ٻِيون داخلائون
امام بخش قادريجي ايم ڀڳت
بخشو لانگاهه
خفيف I
شاهنواز ٻرڙو
تاجل بيوس
حڪيم محمد عمر لاکو
انب جوڳي
شيام جئسنگهاڻي
بنو اميه