استاد ببر علي: مشھور موسيقار استاد ببر علي 1950ع ڌاري حيدرآباد ۾ جنم ورتو . هيءَ ناليواري موسيقار استاد فيروز گل جو ننڍو ڀاءُ هو . سندس وڏا اصل راجستان جي جيسلمير علائقي جا هئا . استاد ببر علي فن جي سکيا مشھور ماسٽر صفدر عليءَ کان ورتي ۽ استاد فيروز گل بہ سندس رهنمائي ڪئي . موسيقيءَ ۾ پاڻ مڃائيندي هن شاهڪار فلمي گيت ، ڪئسٽن جا ڪلام ۽ نوحا ڪمپوز ڪيا . مشھور فلمن: ’پرو چانڊيو ‘ ، ’پڪار ‘ ۽ ’پلاند ‘ ۾ هن استاد فيروز گل سان گڏ موسيقي ترتيب ڏني . ان کان سواءِ فلم ’پڳ '>پوتي ۽ پڳ ‘ ۾ مشھور موسيقار وجاهت عطريءَ سان گڏ موسيقي ڪمپوز ڪيائين . جن مشھور فنڪارن کي استاد مرحوم متعارف ڪرايو ، تن ۾: عنايت حسين ڀٽي ، سجاد يوسف ، ثمينه ڪنول ، حميره چنا ، انجم آرا ، نگهت سليم ، عابدہ خانم ۽ ٻيا ڪيترائي شامل آهن . فيروز گل جي فرزند مرحوم امانت گل کي بہ استاد ببر عليءَ متعارف ڪرايو . پاڻ بھترين ردم پليئر ۽ طبلا نواز بہ رهيو ، هن لاتعداد ڪافيون ۽ غزل رڪارڊ ڪرايا . کيس ڪيترائي اوارڊ بہ مليا . استاد ببر عليءَ 13 نومبر 1988ع تي دل جي دوري سبب وفات ڪئي .
1950.00.00 عيسوي
استاد ببر علي 1950ع ڌاري حيدرآباد ۾ جنم ورتو
1988.11.13 عيسوي
استاد ببر عليءَ 13 نومبر 1988ع تي دل جي دوري سبب وفات ڪئي