اسد قريشي

اسد قريشي

اسد قريشي

اسد قريشي: مشھور اداڪار ۽ هدايتڪار اسد قريشي ولد الاهي بخش قريشي، پهرين مئي 1955ع تي شڪارپور ۾ ڄائو. انٽر تائين تعليم شڪارپور مان حاصل ڪيائين. 1976ع ڌاري سنڌ يونيورسٽيءَ مان اقتصاديات ۾ گريجوئيشن ڪيائين. شوبز ۾ پنھنجي ڪيريئر جو آغاز 1968ع ڌاري سنڌي فلمن ۾ اسسٽنٽ ڊائريڪٽر طور ڪيو، ان وچ ۾ تعليم بہ حاصل ڪندو رهيو. 1972ع کان پوءِ ڪيترائي سال فلم ڊائريڪشن جو باقاعدي ڪم ڪيائين. مشھور اداڪارن عبداللطيف ’ساقي‘ ۽ شھباز درانيءَ جي اتساھہ ڏيارڻ تي هُو اداڪاريءَ طرف آيو. 1985ع ۾ پهرين فلم ”حيدر خان“ ۾ اداڪاري ڪيائين، پوءِ ”نادر گوهر“، ”جيئي لطيف“، ”شھيد“ وغيرہ ۾ بھترين اداڪاري کيس وڏي شھرت ڏني.
اسد قريشي پي. ٽي. وي تان بہ ڪيترن ئي ڊرامن ۾ ڪم ڪيو، جن ۾ ”ڌٻڻ“، ”ماروي“، ”بدنصيب ٿري“، ”سونيتي“، ”باک“، ”آڙاھہ“ ۽ ٻيا ڪيترائي ڊراما شامل آهن. هن محمد بخش سميجي، سلطانہ صديقي ۽ سميع بلوچ جي ڊائريڪشن ۽ پيشڪش هيٺ پي. ٽي. وي تي ڪم ڪيو. هن اسٽيج ۽ ريڊيو تي بہ پرفارم ڪيو آهي. ويجهي ماضيءَ ۾ جڏهن سنڌي سيٽلائيٽ چينلن کي پذيرائي ملي تہ اسد قريشي سنڌي ٽيلي فلم ٺاهڻ جو آغاز ڪيو، کيس سنڌي شوبز جي دنيا ۾ ”باباءِ ٽيلي فلم“ بہ چون ٿا. ٽيلي فلم ”درياھہ پار“ جو ليکڪ ، هدايتڪار ۽ هيرو پاڻ هو. ان جي زبردست پـذيرائي بعد هن ”سنڌو ڪناري“، ”هوشو“، ”سنڌو بادشاھہ“، ”ﷲ بادشاھہ“، ”غلام مصطفيٰ“ ۽ ٻيون ڪيتريون ئي ٽيلي فلمون ٺاهي شھرت حاصل ڪئي. مختلف چينلن تي سندس مشھور ڊراما سيريل ”پٿر دنيا“، ”حوا“، ”ڳاڙهي“. ”زنجيرون“، گنگهار“، ”پياسي ڌرتي“ ۽ ”وارث“ وغيرہ شامل آهن. اسد قريشيءَ جي شادي 1991ع ۾ پنھنجي مائٽن ۾ ٿي، کيس ٽن ٻارن، فاطمہ بتول، علي عباس ۽ زينب بتول جو اولاد آهي ۽ هينئر ڪراچيءَ ۾ رهائش پذير آهي.

لفظ اسد قريشيھيٺين داخلائن ۾ پڻ استعمال ٿيل آھي
اسد قريشي
بادل ۽ برسات
سنڌي فلمون پسمنظر ۽ تاريخ
هن صفحي کي شيئر ڪريو

داخلا ۾ استعمال ٿيل تاريخون

1955.05.01  عيسوي

اسد قريشي: مشهور اداڪار ۽ هدايتڪار اسد قريشي ولد الاهي بخش قريشي ، پهرين مئي 1955ع تي شڪارپور ۾ ڄائو


1991.00.00  عيسوي

اسد قريشيءَ جي شادي 1991ع ۾ پنهنجي مائٽن ۾ ٿي ، کيس ٽن ٻارن ، فاطمه بتول ، علي عباس ۽ زينب بتول جو اولاد آهي ۽ هينئر ڪراچيءَ ۾ رهائش پذير آهي .


شخصيتون - ڀاڱي جون ٻِيون داخلائون

الطاف سمو
رخمان گل
علي محمد بيگ ميرزا
قاضي محمد دائود ٽکڙائي
ابراهيم دائود گلزار ميمڻ
سمو غلام مصطفيٰ مشتاق
تارا ٻائي
بھادر خان علياڻي
شيخ عبدالعزيز قنڌاري
امام بخش شر
شخصيتون ڀاڱي جا وڌيڪ مضمون