اسير ملاح
اسير ملاح
اسير ملاح: : مشهور شاعر ’اسير‘ ملاح جو اصل نالو محمد ابراهيم ولد ڇتو خان ميربحر هو. هن 6 مئي 1957ع تي ڳوٺ ڪاري کهي، تعلقي ڪوٽڙي، ضلعي دادوءَ ۾ جنم ورتو. پرائمري تعليم ڳوٺ ۾ حاصل ڪرڻ کان پوءِ مئٽرڪ گورنمينٽ هاءِ اسڪول ڪوٽڙيءَ مان ڪيائين. 1987ع ۾ ايم. اي (سنڌي) ڪيائين. گورنمينٽ مڊل اسڪول الهه بچايو شوري ۾ JST طور پڙهايائين. هو سنڌي ادبي سنگت ڪوٽڙيءَ جو بنيادي ميمبر ۽ مرڪزي آڊيٽر به رهيو. هن 1969ع کان شاعريءَ جي شروعات ڪئي. نثر ۾ مضمون ۽ ڪهاڻي سندس پسند جا موضوع رهيا. هن جا 200 کان مٿي گيت، غزل ۽ نظم وغيره، سنڌي زبان جي مختلف ادبي رسالن ۾ شايع ٿي چڪا آهن. شاعريءَ جا ٽي ڪهاڻين ۽ مضمونن جو هڪ ڪتاب ترتيب ڏنائين. ريڊئي ۽ ٽي ويءَ تان سندس ويهه کن گيت ۽ غزل ڳايا ويا آهن. اسير ملاح سنڌوءَ جي درياهي ٻوليءَ تي مهارت رکندو هو. ٻيڙين، مڇين ۽ درياهي شڪار بابت گهڻي ڄاڻ هئس. ڪيترن ئي سالن کان هو جگر جي موذي مرض ۾ مبتلا هو ۽ بيماريءَ سان وڙهندي نيٺ 12 آگسٽ 2009ع جي رات، حيدرآباد جي هڪ اسپتال ۾ وفات ڪيائين. هن جي غزلن جو هڪ ڪتاب تاج جويي ترتيب ڏنو آهي.
لفظ اسير ملاحھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1957.05.06 عيسوي
اسير ملاح 6 مئي 1957ع تي ڳوٺ ڪاري کهي، تعلقي ڪوٽڙي، ضلعي دادوءَ ۾ جنم ورتو
شاعر - ڀاڱي جون ٻِيون داخلائون
بهاول لغاريعلي نواز ڏاهري
بهرام فقير جتوئي
پندار
ابل اداس ٻٻر
ضياء خياروي
ٽيڪچند مست
منٺار سولنگي
امر پيرزادو
خواجه محمد زمان لنواريءَ وارو