سگهڙ حاجي الهداد جهنجهي

الھداد جهنجهي: سگهڙ حاجي الھداد ولد حافظ ميگهہ جهنجهي، پهرين جولاءِ 1928ع تي ڳوٺ جنجهي، تعلقي ڇاڇري، ضلعي ٿرپارڪر ۾ پيدا ٿيو. ابتدائي تعليم ”جهنجهي“ ۽ ڳوٺ ڪانڪيي“ مان حاصل ڪرڻ کان پوءِ، ڇاڇري ۾ فقہ ۽ ڪلام پاڪ جي تعليم ورتائين. 1946ع ۾ مسلم اسڪول ”بقا ڪَرن“ تعلقي مٺيءَ ۾ استاد مقرر ٿيو. 1960ع کان 1965ع تائين ننگرپارڪر تعلقي ۾ خدمتون سرانجام ڏنائين. 1981ع ۾ تعليم کاتي مان رٽائر ڪيائين. ننڍي هوندي کان ئي، والد صاحب جي صحبت ۾ لطيف سائينءَ جا بيت ٻڌندو ۽ ياد ڪندو هو. شاھہ جي ڪلام سان عشق هئڻ ڪري مختلف ماڻهن وٽان شاھہ جي قلمي رسالن ۽ ڪن شاھہ جي ڄاڻن وٽان زباني شاھہ جاا بيت گڏ ڪندو رهيو. 1992ع ۾ شاھہ لطيف جو هڪ ناياب نسخو ”شاھہ جو گنج“ نالي رسالو ڇپرايائين، جنهن ۾ تقريباً ڇھہ هزار بيت جمع ٿيل آهن. اهو نسخو ڪويتا پبليڪيشن، حيدرآباد طرفان ٻيهر پڻ ڇپجي پڌرو ٿيو آهي.الھداد جهنجهي 22 اپريل 2015ع تي وفات ڪئي.

داخلا ۾ استعمال ٿيل تاريخون

1928.07.01  عيسوي

الهداد جهنجهي ، پهرين جولاءِ 1928ع تي پيدا ٿيو

2015.04.22  عيسوي

الهداد جهنجهي 22 اپريل 2015ع تي وفات ڪئي.

شخصيتون - ڀاڱي جون ٻِيون داخلائون