امام ڏنو فقير
امام ڏنو فقير
امام ڏنو فقير: معروف شرناءِ نواز فنڪار امام ڏنو فقير 1950ع ڌاري ٽنڊي مير محمود، حيدرآباد ۾ ڄائو. سنڌ ۾ شرناءِ وڄائيندڙ فنڪارن ۾ کيس ملڪو حاصل هو. ڪلاسيڪل توڙي سر سوز مهارت سان وڄائي ڄاڻندو هو. ڪيترائي ڀيرا شاهه عبداللطيف ڀٽائيرحه جي ميلي جي تقريبن ۾ مهمانن جي آمد وقت شرناءِ وڄايائين. هيءُ ڍڍ وڄائڻ ۾ به ماهر هو. حيدرآباد ۾ محرم الحرام جي ڏينهن ۾ پڙن توڙي ماتمي جلوسن ۾ به سوز وڄائيندو هو. هن پنهنجي سُنگ لاءِ الڳ ڊريس به تيار ڪرائي، جنهن ۾ پيازي رنگ جا ڪپڙا، زري واري صدري ۽ پٽڪو شامل هئا. هن پنهنجي سُنگ سان ڪيترين ئي محفلن ۾ پنهنجي فن جو مظاهرو ڪيو. هن جا ڪيترائي شاگرد هئا. هن ثقافتي پروگرامن جي سلسلي ۾ امريڪا، فرانس، ڪئنيڊا ۽ دبئي ۾ پڻ فن جو مظاهرو ڪيو، جن مان اڪثر دورا حميد آخــونـد ۽ مـمـتاز مرزا جـي اڳــواڻـيءَ ۾ ڪيائين. کـيـس شـاهه لـطـيـف اوارڊ (2003ع)، لال شهباز قلندر اوارڊ ۽ صوفي ميوزڪ اوارڊ پڻ مليا. هن 26 اپريل 2012ع تي حيدرآباد ۾ وفات ڪئي. هن کي ٽن پٽن ۽ ٽن نياڻين جو اولاد آهي. کيس جڙيل شاهه قبرستان ٽنڊي آغا ۾ دفنايو ويو.
لفظ امام ڏنو فقيرھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
00.00.1950 عيسوي
معروف شرناءِ نواز فنڪار امام ڏنو فقير 1950ع ڌاري ٽنڊي مير محمود ، حيدرآباد ۾ ڄائو .
26.04.2012 عيسوي
امام ڏنو فقير 26 اپريل 2012ع تي حيدرآباد ۾ وفات ڪئي .
شخصيتون - ڀاڱي جون ٻِيون داخلائون
التتمشچنا محمد منير
بخشل باغي
شامي سيد احمد خالد
محب ڀيل ڪامريڊ
چاچڙ حاجي خان اول
خوارزمي محمد بن موسيٰ
اشتياق انصاري
انيس فاطمه سومرو ڊاڪٽر
شير محمد ٻرڙو