امداد علي سھتو

امداد علي سھتو: ٻاراڻي ادب جو مشھور شاعر امداد علي ولد عبدالرحمان سھتو پھرين اپريل 1963ع تي ٺارُو شاهه شھر، تعلقي ڀِريا، ضلعي نوشھري فيروز ۾ ڄائو. ابتدائي ۽ ثانوي تعليم ٺارو شاهه ۽ مھراڻ ڪاليج موري مان حاصل ڪئي. 1990ع ۾ لياقت ميڊيڪل ڪاليج، ڄام شوري مان ايم بي بي ايس ڪرڻ کانپوءِ پاڪ فوج ۾ بطور ڪئپٽن ڊاڪٽر ملازمت حاصل ڪئي، جتي ترقي ڪري ميجر جي عھدي تي پھتو. 1973ع ڌاري ڇھين درجي ۾ پڙهڻ دوران سندس لاڙو ادب ڏانھن ٿيو. 2012ع کان مسلسل لکندو رهي ٿو. هن غزل، گيت، وائي، سانيٽ، ترائيل، ٽيڙو ۽ ٻين مختلف صنفن تي طبع آزمائي ڪئي آهي. ان کان سواءِ شاعري ۾ ”سونھن ڪڙا“ نالي سان نئين صنف پڻ متعارف ڪرائي آهي. سندس شاعري ’گُلن جھڙا ٻارڙا‘، ’گُل ڦُل‘، ’عبرت‘ مئگزين، ’سھڻي‘ ۽ ’هزار داستان‘ سميت ٻين ڪيترن ئي رسالن ۾ ڇپيل آهي. سندس شاعريءَ جا ٻه ڪتاب: ”پير پير جو پنھنجو پنڌ“ (ٻين سان گڏ: 2016ع) ۽ ”وڃايا ريت ۾ پيرا“ (2022ع) ڇپيل آهن.

داخلا ۾ استعمال ٿيل تاريخون

1963.04.01  عيسوي

ٻاراڻي ادب جو مشھور شاعر امداد علي ولد عبدالرحمان سھتو پھرين اپريل 1963ع تي ٺارُو شاهه شھر، تعلقي ڀِريا، ضلعي نوشھري فيروز ۾ ڄائو.

شاعر - ڀاڱي جون ٻِيون داخلائون