اندرا شبنم
اندرا شبنم
اندرا شبنم: سنڌي ٻوليءَ جي مشھور ليکڪا، ڪھاڻيڪار ۽ شاعرہ اندرا ٽيڪچند شھدادپوري جو ادبي نالو اندرا شبنم پونا والا آهي. هن 24 نومبر 1956ع تي ڪراچيءَ ۾ جنم ورتو. سندس والد حيدرآباد سنڌ ۾ ۽ والدہ لاڙڪاڻي ۾ پيدا ٿيا. سندس تعليم تعليم بي. اي، بي. ايڊ ۽ هنديءَ ۾ ساهت رتن آهي. اندرا 24 سالن تائين پمپري جئہ هند هاءِ اسڪول (مھاراشٽر) ۾، 2 سال سينٽ ميران اسڪول پوني ۽ چار سالن تائين پونا ڪاليج ۾ پرنسپال رهي آهي. ٻن سالن تائين يرودا جيل ۾ عورتن جي وارڊن بہ رهي آهي. اندرا هڪ ئي وقت سنڌي، هنديءَ، اردو ۽ مراٺي جي ليکڪا آهي. هن جي سنڌيءَ ۾ ڇپيل ڪتابن ۾: ’شبنمي قطرا‘ (شاعري 1991ع)، ’سلڻ جو سُک‘ (شاعري 2001ع)، ’عبادت‘ (ڪھاڻيون 1999ع)، ’عشق عبادت‘ (ڪھاڻيون 2020ع) ۽ ’جاڳيل ضمير‘ (شاعري 2007ع) اچي وڃن ٿا. جڏهن تہ ’تصويرين‘ (هندي آزاد نظم: 2002ع)، ’سرگوشيان‘ (هندي اردو غزل: 2003ع)، ميري منتخب نظمين (اردو شاعري: 2008ع) ۽ ضمير اپنا اپنا (اردو شاعري: 2008ع)“ بہ ڇپجي چڪا آهن. هن جي سنڌي ڪھاڻين جي ڪتاب ”عبادت“ جو هنديءَ ۾ ترجمو ٿي چڪو آهي. ’دستڪ‘ (هندي شاعري: 2004ع)، ’حقيقتين‘ (اردو ۽ هنديءَ ۾ الڳ الڳ: 2011ع)، ’سلسلي‘ (هندي شاعري: 2003ع) ۽ ’ميري پسنديدہ ڪويتائين‘ (هندي شاعري 2008ع) ڇپجي چڪا آهن. سندس ڪتابن: ”شبنمي قطرا قطرا“ کي سنڌي اڪيڊمي دهليءَ پاران (1996ع)، ”عبادت“ کي مھاراشٽر سنڌي ساهتيہ اڪيڊمي پاران (2003ع) ۽ ”سرگوشيان“ کي ڪولها پور (مھارا شٽر) ۾ انعام ملي چڪا آهن. اندرا پوني جي سنڌي، هندي ۽ اردو ادبي جماعتن جي سرگرمين ۾ حصو وٺندي رهي آهي. ادبي حوالي سان ڀارتيه سنڌو سڀا، لائن ڪلب، مرڪزي سنڌي ساهتيہ اڪيڊمي، مھاراشٽر سنڌي ساهتيہ اڪيڊمي ۽ ٻين ادارن جي ميمبر ۽ عھديدار رهي آهي. مختلف شعبن ۾ ڪم ڪرڻ تي کيس 30 مٿي اوارڊ ۽ اعزاز ملي چڪا آهن. هوءَ هن وقت ماڊل ڪالوني، شوا جي نگر، پوني (ڀارت) ۾ رهائش پذير آهي.
لفظ اندرا شبنمھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1956.11.24 عيسوي
سنڌي ٻوليءَ جي مشھور ليکڪا، ڪھاڻيڪار ۽ شاعره اندرا ٽيڪچند شھدادپوري جو ادبي نالو اندرا شبنم پونا والا آهي. هن 24 نومبر 1956ع تي ڪراچيءَ ۾ جنم ورتو.
شاعر - ڀاڱي جون ٻِيون داخلائون
محمد روشن ٺٽوياحمد علي شاھہ
علي محمد خان لغاري نواب
سوامي پرمانند
مينگهو فقيرشر
ارجن حاسد
جعفر جاني
سڄڻ قبولائي
سيد فاضل شاھہ فاضل
ارشاد سومرو